انقطاع الكهرباء في حلب

[Dr Philip Hardo]

سمعت عن انقطاع الكهرباء في حلب لمدة ساعتين في اليوم وتسبب في حرق الكثيرمن المحولات الكهربائية.....
سؤلاي: هل يمكن الاستفادة من الطاقة الشمسية في انتاج الكهرباء في حلب المشمسة؟

وشكرا

[MiChAeL_dA]

شكرا الك دكتور فيليب على اهتمامك بالموضوع
دكتور صار هلأ من جديد ببعض الأيام عمتنقطع الكهرباء اكتر من ساعة غير الساعتين اللي منعرفن ..
وانا عندي تعليق على سؤال حضرتك ... اذا بتسمحلي ولو مو بمحلو
وحتى لو قدرنا نستثمر طاقة الشمس لتوليد الكهرباء هون بحلب يمكن يقطعو الشمس
عنا كمان مو بس الكهربا ... وهيك منضطر نخترع كهربا عالطاقة القمرية ...

[الملاك الابيض]

بالفعل الكل بيعانو من مشكلة قطع الكهرباء ولو شو ما عملنا ما رح تنحل المشكلة الا اذا قرروا الجهات المختصة انوهون يحلوا .

الله يرحم ايام الساعتين يلي كانت تنقطع فيون الكهربا لأن نحن بمنطقتنا بتنقطع 6 ساعات يوميا من 1 - 7 المسا لكن العز للرز شو بدنا اكتر من هيك عز بس ما حدا يحسدنا .

[om-George]

يي الله يعينا لكن كيف بكرى رح نستحمل ??
ولادي مو متعودين ويمكن يخافو

6 ساعات بجد كتير كتير وبهيك حر يعني بلاها تكيف وبلاها مراوح بس الاكل ولابراد شو رح نعمل فيه


طيب هو اصلا ليش بيقطعو الكهربا
للتوفير ولا شو????


اخي ميشيل افكارك جهنمية
تعرف لو عملنا اي شي على الطاقة القمرية رح يكون كتير رومنسي
بس انا خايف انو حتى القمر ينطفي

هههه


تحياتي دكتور والفكرة موجودة من زمان بس يا ترى متى تنفذ

مع انها رح توفر كتير من الطاقة الكهربائية

لازمنا لسى هز كتاف

وبعدي نشو اخرتها

[قمر]

الله يعنيكم يا ملاك
6 ساعات شي بطقق

هون اذا راحت ساعاة واحدة بس منجن

اي انشالله يعملوكم حل لا هل المشكلة
يا دكتور عل حظك ما في كهرباء

[MiChAeL_dA]

بحب بشركون ولو متأخر .. بس بدي خبركون انو من شي أكتر من 3 ايام رجعت الكهربا لحالتها الطبيعية وما بقى تنقطع ...