وما أشوف غير أمي ساحتني وعايطتت ... : "كااااااااااااااااااابي تعا شوف ... رفيف ماتت .... "
وأنا قمت ركض على الصالون تشوف أيشى القصة .... قلتو بلكي بنة عمي شي أو حدا من قرابينا كل مات ....
وإذ تتطلع رفيف تبع مسلسل سنوات الضياع .... المهم تفرجتوا على المشهد شلون تموت .... وقمت رحتوا على السوق بعدين ...
ولله بالسوق كمان نحكى بموضوع موت رفيف .... " لعمى أيش القصة ...؟؟ كل العالم تتحكي فيها .؟؟" ولله ما علينا ....
قالتلي وحدة فل سوق ... : " صدق أنا دمعوا عينو على المشهد ... وبكيتو شوي ..."
انا هون كان في عقل وطار ....
بالفعل قصة هل شعب غريبة هيي ....
يعني قصة متل قصة : سنوات الضياع " وممكن تكون من نسج الخيال ... عم تثير اهتمام ومشاعر
العالم ...بس كثير من الأمور الحقيقة والواقعية ويلي نشوفها على شاشات التلفاز ونسمعها من حولينا .. كل هل أمور ما عم تحرك ساكن شي جواتنا ....
سئلتُ أختنا ( تبع السوق ) سؤال : " إنت بكيتي شي على اختطاف ومقتل المطران بولس فرج رحو ؟ إنت عم تأثرتي شي لمقتل عشرات الضحايا يلي يموتوا كل يوم في العراق وفي فلسطين وفي لبنان ؟؟؟ .... متل ما تأثرتي وبكيتي على رفيف ؟؟؟؟ "
قالت بنوع من البرود مع التردد : " لا "
وكأنو مقتل وتهجير واختطاف و إهانة رموز مسيحية أو إسلامية في العالم وتفجير كنائس ما بقى يعنينا شي ...وزعلنا بس لأنو : " الأنسة رفيف ماتت ..."
كل يوم عم نسمع ونشاهد أخر الأخبار والقضايا يلي عم تسير في العالم من حولنا من اختطاف إلى قتل إلى تهجير إلى حروب اهلية ومجاعات ....إلخ ... وكل هدول ما عم يحركوا جواتنا أي ساكن ....
ليش ؟؟؟؟؟
مسلسل متل سنوات الضياع يلي صارلو تقريب الـ 80 حلقة والحبل على الجرار... يثير أهتمام الشعب ويضل يتابعوا من أول حلقة إلى أخر حلقة ولو عندو موعد أو عمل أو إلتزام .... يأجلو بشان يحضر المسلسل ...
القضية ما تتعلق بمسلسل سنوات الضياع فقط ... بس تتعلق بطريقة تفكيرنا للأمور ونظرتنا إليه ....
أنا أكيد ما بكيتو على بولس فرج رحو ولا على قضية تانية وما اخافيكن انو ما تأثرت ... بلى تاثرتوا كثير كمان .. بس بالمقابل مستحيل أبكي بشان أمور أقل أهمية وسخيفة متل هل مسلسلات يلاما بقا فيها غير وقاحة دراماتيكية لا نهائية تعيد نفسها على الطالع والنازل .. بمسلسلات هندية ومكسيكية وتركية وعربية ....
يمكن الكثيرين ما يوفقوني الرأي .. في النهاية كل انسان عندو رأي شكل في الحياة وعندو لون شكل يرسم فييو
حياتو ....
بس صدقوني يا جماعة في الدنيا أمور أكثر أهمية من تقييد نفسنا مع مسلسلات تلفزيونية طويلة الأمد ويأخذوا من ولائنا وحبنا وعاطفتنا أكثر من أي شي تاني ....
-----------------------------------------------
على فكرة برأيي مو رفيف ماتت بالمسلسل ...
شعبنا هوو يلي مات برفيف وبهل مسلسلات ....
شكراً
كبرئيل السرياني
