تقليد الأخريات لك.. هل يزعجك أم يسعدك؟

[nahren]

الكثير من الفتيات وحتى النساء يقومون بتقليد الاخريات
ولا شك في ذلك ان الكثيرات ينزعجن من تصرفات الاخريات في تقليدهن في ارتداء نفس الموديل ونفس اللون ونفس الاكسسوارات
واحيانا طريقة قص الشعر وتصفيفه وايضا لون الاصباغ ....

آنستي المراهقة وسيدتي المرأة هل ستشعرين بالسعادة والغبطة من ذلك، أم أنك ستشعرين بالقيود وعدم الحرية في التصرف؟

هالموضوع قرأته وعجبني كثيرا لانه موضوع اسري وله ابعاد اخرى فهو ينطبق على الاولاد ايضا ...
بصراحة انا بعاني من هالمشكلة مع اولادي
وابني الصغير بيحاول تقليد اخوه الكبير بكل شي
والكبير طبعا عم ينزعج من هالشي...
ما هو تصرفك عزيزتي في مثل هذا الموقف؟؟؟؟؟
انا عن نفسي عم فهم الكبير انو اخوه عم يقلدو لان هالشي حلو وما لازم تنزعج لانك قدوة الو وهو حاسس انك بتتصرف صح مشان هيك عم يقلدك يعني عم يمدحك بتقليدك ...


سؤالي عزيزتي لما انت تشوفي وحدة بتقلدك بكل شي حتى بطريقة كلامك كيف تتصرفي؟؟؟؟
وشو هو رد فعلك ....هل ستشعرين بالارتياح ام على العكس ...
ستشعرين ان هناك من يتقمص شخصيتك ...

مع تحياتي ومحبتي للجميع

[om-George]

موضوع حلو كتير اختي نهرين كعادتك
بالنسبة الي ماتفرق عندي كتير
لان هاد دليل شخصية غير مستقرة للمقلد
وخصوصا لوصار التقليد مستمر بشكل طويل المدى او بتنتقل لتقلد كل فترة شخصية اخرى

هو الي طبيعي تقليد الموضة بالالوان الشعر او الفساتين
في ناس عندهم هوس كمان شو بيطلع جديد بيقلدوه وخصوصا الممثلات او المغنيات

لكن بالنسبة للاولاد
شي طبيعي وخاصة لو في كذا سنة بينهم
الصغير دوما يحب ان يقلد الكبير ليصبح او يشعر انه مثله
كانه مثله الاعلى لكن لفترة لحد ما تستقر شخصيته ويستقل هو عن الام والاب والاخ
لكن لو تجاوز هاد الشي السن الطبيعي بيلزمه طبيب

موضوع كتير حلو وحابة استمتع معك بقراءة الاراء

[nahren]

اكيد التقليد مو حلو وبالاخص لما حدا بيكون متربصلك شو ما بتشتري يشتري متلك ولازم لو شو ما صار لازم يشتريه وبأي ثمن المهم يكون عندو متل ماعندك
طبعا كل واحد الو شخصية مستقلة لهيك لما حدا يشاركني بكل تصرفاتي بنزعج وكتير كمان وبحكي بكل صراحة ....
راح تقولي مغرورة مو هيك ههههههههههه

يسلملي مرورك الحلو غاليتي

[غادة عيدو]

عزيزتي نهرين طرحك جميل والمشكلة التي تناولتيها موجودة ربما في مجتمعاتنا بشكل كبير .
التقليد كما قالت ام جورج يعتبر نقطة ضعف في الشخصية
بالنسبة لي لا يهمني هذا الموضوع إلى أن يتجاوز حدود الإزعاج , فإذا كان المقلد يطبع عني كل شيء فهذا يزيد من ثقتي بأن تصرفاتي وانتقاءاتي صحيحة ( وهذا الشيء حدث معي بالفعل )
ولكن لا أدري هل هو شيء صحيح بأن لا أهتم أم لأ !!!!!!!!!!!
أشعر نهرين بأنك طرحت الفكرة عن تجربة حدثت معك وتزعجك , كما حدثت معي , لدي فكرة تعالي ندردش اللي صار معنا في منتدانا ,لحتى نأخذ حريتنا أكثر في التعبير شو رأيك ؟
محبتي
غادة

[nahren]

هههههههههههه اي ندردش ليش لا ....ولو شو عنا لحتى ما ندردش
تعرفي غدوش ازعج حالة وهي انو اشتري شي وتجي وحدة وتقول من وين اخدتيه وبكم ؟؟؟؟ تشتريلي نفس الشي ونفس الموديل ونفس اللون كمان ....
اووووووووووووووووووووووووووف
كتير نسوان هيك صادفت
يعني من ايام صار هالشي معي اشتريت شنطتين وحدة لبنت حماي والتانية لاختي واجت وحدة من اياهم وقالت من وين؟؟؟؟ اخدت تسال اشتريلي منهم ....
يعني بالرغم انو عندها وكمان بيبعتولها من الخارج وماركات عالمية بس تظل عيونها على غيرها وبتحب تقلدهم وتلبس متلهم وتشتري نفس مشتراتهم
وهالحالة كتير صارت معي ....

وكتير حالات بدها وقت لندردشها هون

[a3az elnas]

هههههههههههههههههههههه احلى محطة يا نساء المنتدى
حبيت امر واسلم واسمع ما ورد عن التقليد ومشاكله
وعندما اتذكر حوادث ساعود انتظروني
يو صحيح وين القهوة؟
اعز الناس

[nahren]

مئة اهلا وسهلا ام نوار
الجمعة كملت فيكي ولو نحنا عم نستناكي لحتى تحكيلنا
واحلى فنجان قهوة لعيونك
واطيب ميني تشيز كيك نتحلى فيه