بطاطا محشية لحمة وصنوبر

[غادة عيدو]

بطاطا محشية لحمة وصنوبر



المقادير
- بطاطا صغيرة الحجم ( إن كانت كبيرة تستطيعي تقطيعها إلى اثنتين )
- لحمة ناعمة ( تقدر حسب عدد البطاطا )
- صنوبر
- ملح - بهارات
- كعك مطحون وجبنة بارميزان للوجه ( تستطيعي أن تستغني عن هذا البند إن لم يتواجد لديك )



الطريقة
تحفر البطاطا ( نضع لب البطاطا المحفور في الصينية مع البطاطا المحشية )
نطبخ اللحمة ونضيف لها الصنوبر والملح والبهارات
نضع البطاطا المحشية مع لب البطاطا في صينية ونضيف لها مقدار كاستين ماء مع مكعب ماجي
نرش على الوجه الكعك المطحون مع الجبنة
نغطي الصينية بورق الألمنيوم وتوضع في الفرن لمدة تلات أرباع الساعة ( أو لحين أن تستوي البطاطا )ثم نكشفها لتتحمص البطاطا .جربوها طيبة كتير , تقدم مع رز , وصحتين وهنا

[a3az elnas]

صحة وهنا
يسلمو غدوش
اكلة خفيفة وطيبة
محبتي
اعز الناس

[غادة عيدو]

يا هلا اعز , شكراً على مرورك
وينك اشتقنالك
محبتي
غادة

[om-George]

انا اكلتها مرة بس كانت مسبكة برب البندورة

رح جرب هل الطريقة كمان

يسلموا


بس انا شفت طبخة تانية محشي الارض شوكي حدى بيعرفها؟؟؟؟؟؟

[قمر]

يعني الصنوبر ما بحبو الااولاد بس لااكلة مبين مااشبها شي

[غادة عيدو]

يا هلا ام جورج بتعرفي أنا بحب الأكلات اللي ما فيها دبس بندورة .
أما بالنسبة لمحشي الأرضي شوكي عملتها مرة وبتنفع صحن مقبلات في سهرة .
بتسلقي الأرضي شوكي , وبتحضري نفس حشوة البطاطا المحشية وبتعبي الأرضي شوكي , وبعدين بتعملي صلصة باشاميل وبتصبيها فوق الارضي شوكي المصفوف في صينية , وبعدين بترشي عليها جبنة مبروشة وبتحطيها بالفرن .....طيبة .

يا هلا قمر إذا أولادك ما بيحبوا الصنوبر ما ضروري تحطيه , بس جربيها خفيفة وطيبة .