هل الأم تكون أحياناً سبب خراب بيت ابنتها !!!!؟؟؟؟

[غادة عيدو]

فلانة على وشك الطلاق من زوجها
السبب تدخّل أمّها المستمر في شؤونها مع زوجها

ليست هذه المرّة الأولى التي أسمع فيها عن فشل علاقة بين خطيبين أو زوجين
بسبب ( الأمّهات )
أحياناً أم العريس و أحياناً أم العروس

هل سبق و عايشتم أو سمعتم قصصاً مُشابهة ؟
هل من المفروض أن لا يتدخّل الأهل و خصوصاً الأمّهات في حياة الأولاد بعد الزواج ؟
هل تزويج أولادنا يعني أن نعزل أنفسنا عن مشاكلهم بصورة تامة ؟
طيّب
إذا نحن فعلنا ذلك
فإلى من يلجؤون ؟ إلى من يشكون همومهم ؟ ممّن يطلبون النصيحة و الإرشاد ؟
متى يكون التدخّل ضرورياً و ايجابياً ؟
و متى يكون سلبياً و هدّاماً و مُسبّباً لخراب البيوت ؟

طرحت هذه الفكرة من واقع عايشته مع إحداهن
بانتظار مشاركاتكم ...

[قمر]

مشكلة أزلية يعاني منها الجميع
الحرص والخوف من الوالدين سبب رئيس في حدوث هذه المشكلات
أنا أرى أن من يقدم على الزواج يكون قد وصل لسن النضج وتحمل المسؤوليه
وعليه رجلا كان أو امرأة أن يحاول حل مشكلاته مع شريكه بعيدا عن الأهل وتدخلاتهم
ولا يتم التدخل الا في المشكلات الكبيرة التي تحتاج تدخل أطراف لحلها
والبنت عليها أن تحتفظ بأسرار بيتها ولا تشتكي لأحد
فهي أمينة على أسرار بيتها وزوجها
وعليها ان تحكم عقلها ولا تستمع لنصائح قد تدمر حياتها
والرجل كذلك أمين على بيته وحياته الخاصه ملك له
وفي الاخير نعم ياما اهل خربو بيوت اولادهم غادة
غادة وضعت يدك على مشكلة استشرت في المجتمع كثيرا
فلك الشكر على التطرق لهذا الموضوع الهام
رائعة أنت في اختياراتك عزيزتي

[mari]

شكرا غادة للموضوع المهم يلي فعلا صار الو وتاثر بشكل سلبي على
العائلة المسيحية بصورة خاصة وانا اؤيد كلامك ان الام فعلا احيانا
تكون سبب خراب بيت بنتها .

ما في زوجين ما عدهم مشاكل والمفروض به لازم هني الاتنين يحلوا
المشاكل وما لازم الاهل يتدخلوا بشؤونهم الخاصة بس اذا كانت المشكلة
كبيرة فيها تستعين بالاهل والافضل الافضل بعيدا عن الاهل ...

[nahren]

غادة عزيزتي حطيتي ايدك على مشكلة الاسر في هذه الايام
اكيد كل ام واب لهم تأثير على حياة ولادهم سواء كانت بنتهم او ابنهم
الحياة الزوجية تعتبر نموذجا مصغرا للحياة العامة
فالحياة العامة لما بيكون في علاقات كثيرة لابد وان تصير مشاكل بين تلك الاسر
كذلك الاسرة لما بيكون في تدخل من الاهل في حياة البنت وبالاخص الام
بيصير خراب البيوت وتدميرها بشكل نهائي وبتوصل للطلاق
انا بشوف البنت الواعية بتعرف انو كل مشكلة زوجية لازم تحلها لوحدها
وما تسمح بتدخل اي حدا بينها وبين زوجها....
والام الواعية هي الام اللي تنصح البنت بنصائح تعمر بيت بنتها وابنها مو تدمرها

سمعت بقصة ام هون بالعراق خلت انو ابنها طلق مرتو وبنتها تطلق زوجها
وما كفاها هالشي سافرت لعند بنتها في استراليا وطلقتها من زوجها
وحاولت تطلق ابنها هناك من مرتو
لكن حماة ابنها طلعت ذكية وعلمت بنتها ما تترك زوجها لو شو ماعملت
وفعلا ما صار اللي في بالها يعني مابعرف هل هي الغيرة على اولادها
انا بعرف انو الام مابتكون انانية لدرجة ماتحب السعادة لاولادها
متل ماهي تزوجت وجابت ولاد وربتهم كمان اولادها بدهم يكونوا اسر
ويعيشوا بسعادة

الموضوع يستحق المناقشة غادة انا متابعة للموضوع
شكرا كتير الك

[الرهاوي الصغير]

شكراً لك غادة لهذا الموضوع
أعتقد أن المشكلة في الأبناء و ليس في الأمهات
فالولد الناضج سواء كان شاب أو فتاة لايسمح لأحد أي كان
أن يتدخل في حياتهم
و لكن معظم الزيجات في مجتمعنا العربي و خصوصاً للفتيات
يكونون دون سن النضج و هذا هو السبب الرئيس للمشاكل بين الزوجين

[narod2008]

موضوع هااااااااام جدا
عم نعيشه ونسمع فيه كل يوم....
برأيي انو لما الطرفين بيكونوا ناضجين كفاية رح يقدروا يحلوا امورهن بدون استشارة اي احد
بعدين في كتير شغلات الواحد بيقدر يحكيه وفي اشياء لا
يعني في اشياء بتنحكى واشياء لازم تضل سريّة بين الطرفين
ولو شو ما كان الشي الو علاقة بالنضج
بس للاسف بهالزمن عم نشوف شباب وصبايا لسا ما فقست عنن البيضة وما بيعرفوا شي عن الحياة
عم يقوموا يخطبوا ويتجوزوا
بدون ما يعرفوا العواقب والمسؤولية الي بتحملها الزواج

موضوع قيّم ويستحق الوقوف عنده
شكرااااااا غدووووووووش
اشتقنا للمناقشات
محبتي
نـــــــارود

[a3az elnas]

الام الجاهلة نعم تكون احيانا سبب لخراب بيت ابنتها
لكن البنت التي عقلها من عقل غيرها ومهما كان تاثير الاهل عليها يساعد في الخراب
والله يحمي اولادنا من الخراب
شكرا غادة