تارت التفاح

[angel]

كأس سكر- يحرق في صينية قطرها 27 سم تقريباً على النار ,حتى يصبح سائل بني اللون,ترفع الصينية عن النار وتترك جانباً حتى يتصلب السكر,
يوضع عليه شرائح تفاح مقشر ومنزوع اللب (مثل شرائح الأناناس المعلب)
و يرش فوقه كأس جوز مكسر و نصف كأس زبيب (بدون بزر) ويرش فوقه مسحوق القرفة.

العجينة:
3 بيض
3 أرباع كأس سكر
3 أرباع كأس سمنة أو زبدة
كأس طحين
ظرف بيكينغ باودر-ظرف فانيل

يخفق ويوزع بانتباه فوق االمكونات المحضرة في الصينية

يخبز في الفرن حوالي نصف ساعة ,أو حتى النضج (حسب الفرن)

عندما تخرجين القالب من الفرن مرري سكين حول حواف التارت لسهولة قلبه واقلبيه ساخناً,قبل أن يجمد السكر في القعر فيصعب قلبه.

وصحة وهنا ..




.

[قمر]

يا عيني عليك شو هل القالب الجميل
راح نجربو
شكرا لكي مني اجمل تحية
محبتي

[h.hazim]

لا تنسونا بشي شقفة من هالتارت

يسلمو

[nornor]

يسلم ايديكي انا كتير بحب تارت التفاح و اكيد الطعمة كتير طيبة

[ashor]

+++

اتفضل اخي هزيم على العزيمة الطيبة والرائعة

اليوم عملناها وعزمنا الجيران عليها

فعلاً وصفة ناجحة وطيبة

بنصح الجميع يجربوها

طبعاً كل الشكر للأخت انجل وبدنا وصفات ثانية


وهاي الصورة قبل ما تخلص هههههه





-----

[angel]

قمر جربيه ما بتندمي

نورنور شكلو حلو وطعمتو طيبة

أخ هزيم حصتك بقيت بالبراد 3 أيام ولما ما جيت أخدتا أكلناها..
بس معلش اجاك عزيمة من الأخ آشور و باينتو القالب يللي عملو كتير طيب..

صحتين أخ آشور ويسلمو الأيادي للي عملتو شكلو بيشهي..تكرم عينك رح حط اليوم وصفة تانية بس انتبه ما ينتزع الريجيم..
بس يللي قاهرني انو الصورة عندك أكبر من صورتي ..شو هالواسطة؟؟

[ashor]

+++

اخت انجل لا تنقهري ابداً الله يخليكي ما في ولا واسطة

صدقيني انا اخذت مقاس الصورة عندك وعملت الصورة عندي على نفس المقاس

اتأكدي من صورتك وصورتي وإذا في فعلاً فروقات بالصورة

راح اراجع المصور لحتى يزبطلي هي ههههه

***