ما هي عمر اغترابك؟ واسئلة اخرى

[om-George]

اكيد كل واحد منا عنده اسباب معينة دفعته للتفكير بالاغتراب او البحث عن مكان افضل او مستقبل افضل له وللاولاده

لربما احلامنا كانت اكبر من الفرص التي كانت حولنا
ربما العلم او المال دفعنا للهجرة او الاغتراب

كم سنة لك مغترب؟
كيف تقضي اوقاتك؟
كيف تفرح او تعبر عن مشاعرك؟
لمن تفتح قلبك؟
كيف تواجه المشكلات من حولك؟ الشخصية والعامة؟
هل كان صعبا التكيف مع جو البلد الجديد الذي اصبح بلدك؟
ما هي التاثير النفسي الذي تركته عليك بعدك عن الوطن والاهل والاقارب؟
هل تعتقد ان الرجوع حل؟ ام انك اصبحت تحب الغربة؟ او ما عدت تشعر بها؟
ماهي الفروق بين مجتمعك في وطنك الام والمجتمع الذي تعيشه الان؟
ما هي سليبات وايجابيات وطنك؟ وما هي سلبيات وايجابيات البلد الذي انت فيه؟
ماذا تنصح كل مغترب جديد؟
ما هي افضل الحلول واخرها قبل الاغتراب؟
ما الخبرات التي اكتسبتها؟
هل هناك فرص اتيحت لك ما كانت لتتاح لك وانت في بلدك؟
هل كان الاغتراب حلا بديلا ام اختيار؟
هل انت سعيد على هذا الحل او الاختيار؟
كيف نتجنب ضياع اولادنا في الغربة؟
كيف ممكن ان نحمي اولادنا من تاثير هذا المجتمع الغريب علينا؟
هل هناك اشياء اختلفت في شخصيتك او شخصية من حولك؟
ماذا تتمنى في هذه السنة الجديدة القادمة؟
كلمة اخيرة من خبراتك بالحياة.....

لست مضطرا لان تجاوب على كل الاسئلة
لكن ان فعلت ساكون سعيدة جدا بالاستماع الى رايك ووجهة نظرك

اسئلة كثيرة جدا جدا في راسي تدور وتكون افكار كثيرة تاخدني من واقعي اطير معها ثم اضطر للرجوع
احيانا كثيرة نشعر بالوحدة, او بالحزن,قد نكون في مازق ما, اما تعب نفسي او مرض جسدي ولا نجد من نتقاسم معه تفاصيل حياتنا الدقيقة.
لربما لا نثق بهم كل الثقة,لربما هناك مازال فينا خوف البوح.
اختي المغتربة اخي المغترب حاول ان تجاوب على هذه الاسئلة
ربما لها فائدة على بعضنا وربما تقلل من شعورنا بالحزن للافتراقنا عن من نحب,
وربما تعطينا دفعة للاستمرارية.
لنتناقش ولو عندك اي سؤال اطرحه فضلا.

في انتظار مشاركاتكم

[om-George]

منتظرة اراءكم

[قمر]

كم سنة لك مغترب؟
اةةةةةةةةةةةةةة يا ام جورج رجعتيني لا ورء كتيرررصالي لا اخر السنة
بصلي22 سنة لا هل الشهر

كيف تقضي اوقاتك؟
قبل ما تزوج ولا بعد ما تزوجيت ام جورج

كيف تفرح او تعبر عن مشاعرك؟
بحكي لما بكون فرحانة بفرح يالي بحبوني وبحكليهم عل فراحي بشاركوني فية

لمن تفتح قلبك؟
لا زوجي بفتح قلبي في كل شي بس ما طلعت سرك لا برا منفضيح ام جورج الغربة صعبة والناس بدها كلمة حتي تتسلا فيهاا

كيف تواجه المشكلات من حولك؟ الشخصية والعامة؟
من حوالي اةةةةةةةةةةةةةةة مرة تانية يا ام جورج
بوجها بقلب بارد وكلمة حلوة وضحكة عل تمي بس بتكون كلها سم من يالي عملي المشكل
الشخصية ما بقا احكي شي لا حدا يا ام جورج سري قي قلبي وخلص نهار منزعل ونها منتصلح شي عادي في الحياة هل الشي

هل كان صعبا التكيف مع جو البلد الجديد الذي اصبح بلدك؟
اي كتير وبعد ما تركتيني امي لا وحدي مع اخواتي وسافرت مع ابي اي كتير اتعذبت بس كانو بيت عمي ساكنين في نفس البناية ما شفيت فرق كتير بس الااهل اهل وغير شي بكونو

ما هي التاثير النفسي الذي تركته عليك بعدك عن الوطن والاهل والاقارب؟
صعبة بس ما بتذكر صدقني ما همني شي غير فرقة اهلي واخواتي واولادهم

هل تعتقد ان الرجوع حل؟ ام انك اصبحت تحب الغربة؟ او ما عدت تشعر بها؟
الرجوع لا بلدي لالا ابدا ولا بفكر فيها زيارة اي بحب اروح بس اعيش مرة تانية لا
نزلت لا سوريا بعد غربة 12 سنة حسيت حالي غريبة ويالي بعرفهم كلهم راحو ما شفيت حدا غير اعز الناس اهلي واخواتي اصدقائي ولا عرفت واحدة وين هنين

ماهي الفروق بين مجتمعك في وطنك الام والمجتمع الذي تعيشه الان؟
هون في وطني في محبة العيد غير شي منزور بعض في المناسبات زيارة الااهل ولااقارب حلوة بتعطي بهجة
هون لغينا كل الزيارت والاعياد منعيد في النادي السوري ومنفض كل المعيادات
عيد ميلاد في النادي
حفلة في النادي
ما ضل زيارات ابدا غير في موتة وفي مرض منشوف بعض في البيوت
هههههههههههههه

ما هي سليبات وايجابيات وطنك؟ وما هي سلبيات وايجابيات البلد الذي انت فيه؟
ما بعرف عادي

ماذا تنصح كل مغترب جديد؟
انصحا شو بدي انصحا اي شخص جديد بتغرب عن وطنو ما بحب ام جورج هدا شي عادي ومع الوقت بتعلم عل الحياة الجديدة

ما هي افضل الحلول واخرها قبل الاغتراب؟
شو بعرفني شو هي افضل كل مين بياخد نصيبو ام جورج في الحياة والحياة بتعلمنا

ما الخبرات التي اكتسبتها؟
اتعلمنا عل كتير شياء من حسابنا شو بدنا نكتسب في الغرابة دخليك


هل هناك فرص اتيحت لك ما كانت لتتاح لك وانت في بلدك؟
والله يا ام جورج اناا بنت يعني الحمدلله انزوجت وزوجي مشاشي حالو انا كا بنت ما بقدر برد عل السؤال هدا سؤال لا شاب بدو يامن مستقبلو



هل كان الاغتراب حلا بديلا ام اختيار؟
ولا واحد من الاتلاتة كان اول شي نصيب نجي زيارة بس لا اكتر ولا اقل
جينا زيادةب س حتي امي وابي يشوفو اولادهم شابين مغتربين هدا سبب الغربة كان
اهلي راحو تركوني مع اخيتن ال شو حتي اضل في البيت اطبخ وانفخ بسسسس هدا كان السبب حتي البيت يالي فتحو لا قلنا ما ينفرط

هل انت سعيد على هذا الحل او الاختيار؟
هلا اي كتير الحمدلله البنت ولا الشاب قلهم في بيتهم واولادهم صح بعد الااهل

كيف نتجنب ضياع اولادنا في الغربة؟
ضياع اولادنا اولادي لسا صغار يوسف كمل 18 وجورج بكمل 17 في شهر ال 4
يعني بحاول قد ما بقدر اعلمهم عل طريق الصح هدا يالي بخلي الولد كويس وما بضيع

كيف ممكن ان نحمي اولادنا من تاثير هذا المجتمع الغريب علينا؟
نحمي اولادنا نحنة قلنا عادتا يا ام جورج ولازم نعلم الولد انو العروس تكون بنت عرب متلنا ومنقلو انو الشعب ما فيو امان بس مع هل الشي كتير بنات وشباب اخدو من شعب هون بس شعب هون مالو امان ابدا وخصوصي الرجل


هل هناك اشياء اختلفت في شخصيتك او شخصية من حولك؟
انا هي هي بس اتعلمت بس المرض علق علينا وهدا يالي غيرنا شخصيتناا ام جورج

ماذا تتمنى في هذه السنة الجديدة القادمة؟
هل السنة بتمنا يا رب يا رب اطلع من ديون محلي حتي اريح فكري شوي

وسنة الجاية بدي صحة وسلام ام جورج اهم شي وربنا بيعرف شو بيعمل
ويحميلي هل الااولاد كتير لاانو الحرام في بلادنا صاير كتير

كلمة اخيرة من خبراتك بالحياة.....
انو بحب بعض لا بعض
ولا نزعل من حدا
ولا نبكي عل شي
الدنيا ما بتستهل شي ابدا
وكل عام وانتي بخير او جورج وانشالله يا رب تفهمي عل كلاامي
صدقني كتير تعبانة بس قلت ارد عل الموضوع وبعدين اطلع

ميلاد مجيد وسنة مباركة وكل عام وانتم بخير

2008

محبتي

[om-George]

شكرا كتير كتير الك حبيتي ولتعبك ولاجاباتك الاكتر من صريحة والحلوة والواقعية
وما في حدى مرتاح مية بالمية بحياتو لكن لازم نستمر ونعلم ولادنا كيف يستمروا

ربنا يمد يد العون ويرفع عنك التعب والمرض ويساعدك على تخطي الديون وكل هوم الحياة
فعلا الحياة ما بيستاهل نعيشها كلها بتعب وبهم وبحزن
يلا نعيش
يلا نفرح
يلا ننسى
ولو لحظات


شكرا حبيبتي مرة تانية وبتمنى لك كل الخير الي بالعالم يكون من نصيبك

تحياتي

[رافي]

والله ياخت ام جورج كنت بتمنى لو ينطرح هالموضوع بالدردشة .. بس ما بعرف في مشكلة ... ليش الادارة مسكرين الدردشة؟ لانو كنت بتمنى انو نحكي مع بعض ونسمع بعض اكتر
كم سنة لك مغترب؟
والله ما بعرف شو بدي خبرك انا الي سنة بس مغترب .. مارح سمي اغتراب لاني موجود ببلد عربي (السعودية) ... يعني بخجل قول اني مغترب ادام الاخت اللي ردت عالمقال من شوي .بس الغربة صعبة وانا مشاركا الشعور ذاتو
بس الحمدالله الي سنة هون وما شعرت بالغربة ما بعرف ليش مع اني كنت غيب اسبوع بس برا محافظتي بسوريا حس بالغربة
يعني فينا نقول تجربة حلوي . وصرت اكتر قوة اني فكر بالغربة لبلاد اوربا او امريكا
مع انو كان المشروع ببالي من عشر سنين هلق قوي اكتر
كيف تقضي اوقاتك؟
انا شغلي 8 ساعات +ساعتين اوفر تايم يعني 10 ساعات بقي من اليوم 14 ساعة
6انترنيت و6نوم وساعة رياضة وساعة وقت ضايع
يعني فيني الك ام جورج انو الوقت مليان يمكن هادا السب ما عبيخليني اشعر بالغربة ومرارتها بس مع الاسف الماما كتير عبتحس بغربتي لانو نحنا 3 اخوة في واحد مغترب بدبي وانا هون وواحد بسوريا يمكن انو هادا الصغير المدلل هههههههههه يعني عايش مع امو
كيف تفرح او تعبر عن مشاعرك؟
لك ياأم جورج الله وكيلك انعدمت المشاعر بهل البلد . لانو صرنا متل المكنة شغل وبس . انا بشوف انو الواحد ممكن يعبرعن مشاعرو بكتير اشيا متل اني اقعد لوحدي مع سيكارة وفنجان نسكافيه مو اكتر او سماع ميوزيك عالي جداا
لا تضحكي عليي هون مافي مشروب انا باعادي بعبر عن حالي بالمشروب
لمن تفتح قلبك؟
والله عندي كم رفيق بمعنى الرفقة الحقيقية يعني ممكن انو نحكي مع بعض شوي من همومنا ومتل ما بيقلو انو( رب اخ لم تلده امك)
هل كان صعبا التكيف مع جو البلد الجديد الذي اصبح بلدك؟
ايوا كتير صعب التكيف مع الجو والناس هون لانو انا من مجتمع كتير منفتح وكمان لسبب تاني انو بلد غير بلدنا بيختلف عنا بعاداتو وتقاليدو وناسو وثقافتو اذا كان في ثقافة ههههههههههه بس شو بدنا نساوي البحر من أمامكم والعدو من ورائكم يعني بصراحة شي مفروض علينا بدنا نتكيف مع الجو اجباري عنا .......

ما هي التاثير النفسي الذي تركته عليك بعدك عن الوطن والاهل والاقارب؟
شوفي وقت طلعت بالطيارة حسيت انو بدي دوخ .مو من الطيارة هههههههه من فراقي للوطن وللضيعة وذكريات الطفولة والشعب الطيب بس بعد شي نص ساعة من اقلاع الطيارة الت ياولد لازم ترمي قلبك من شباك الطيارة .. لانو كل هالحكي ما بيفيد بما انو صارت متطلبات الحياة كبيرة وشاقة لازم نضحي بشوي من مشاعرنا
وعواطفنا .. بس فيني قول الحمدالله انو مافي حدا بحياتي يعني لو كان في حدا كان لاقيت صعوبة كبيرة بالفراق.. يمكن فهمتي عليي

هل تعتقد ان الرجوع حل؟ ام انك اصبحت تحب الغربة؟ او ما عدت تشعر بها؟
لا بالوقت الحالي الرجوع بالنسبة لالي مش حل . يعني بسبب الظروف الاقتصادية بالبلد . كمان بحب خبرك لايمكن حدا بيحب الغربة بس الغربة واقع لازم نعيشو
ماهي الفروق بين مجتمعك في وطنك الام والمجتمع الذي تعيشه الان؟
ام جورج... الفروق كتير كبيرة صحيح انا ببلد عربي بس مختلف تمام الاختلاف عن سورية الحبيبة والمجتمع هون بعيد كل البعد عن المجتمع السوري ... يعني تصوري انو هون الاخ ما بيشوف اختو مثلا... عداكي عن العادات الاجتماعية .. صفر صفر ..
ما هي سليبات وايجابيات وطنك؟ وما هي سلبيات وايجابيات البلد الذي انت فيه؟
الوطن غالي والوطن عزيز وانا بعتبر نجاحي هون بيساهم ببناء الوطن وعزتو
السلبيات كتيري بس ما بدنا نحكي عنا هون . الايجابيات اكتر واكتر..يعني بيكفيني وقت بمشي ببلدي بعرف انو هادا بلدي هون ربو اجدادي وهون اندفنو ...مع اني ما بحب احكي عن هالقوميات كتير (بلادي وان جارت عليي عزيزة) بالنسبة للبد انا موجود فيه يمكن حكينا سابقا ايجابياتو انو بلد عملة مو اكتر . وانا اسف لاني عبحكي عن المادي كتير
ماذا تنصح كل مغترب جديد؟
ام جورج . هيدي النصيحة بدنا ياها من حضرتك لانو انا اقل واضغر مغترب بين الموجودين بالموقع
ما هي افضل الحلول واخرها قبل الاغتراب؟
بالنسبة لألي انا ما بتوقع انو كان عندي حل غير الاغتراب
ما الخبرات التي اكتسبتها؟
عالمجال المهني من الطبيعي انو اكتسب خبرات جديدة بالاخص بمجال مهنتي لانو مهنتنا كل يوم فيا شي جديد اما عالمجال العام أكيد انو الانسان مجرد ما غير مكان عملو او مكان اقامتو رح يكتسب كتير اشيا . لانو الانسان عبيتعامل هون مع كتير من جنسيات العالم يعني بيتعلم عادات جديدة افكار جديدة يعني بيصير عندو فكرة عن مجموعة كبيرة من الناس وكيفية التعامل مع شعوب العالم وبيصير الانسان قادر على التأقلم مع ظروف الحياة كيف ما تغيرت . وبالنهاية الغربة عبارة عن مدرسة

هل هناك فرص اتيحت لك ما كانت لتتاح لك وانت في بلدك؟
نعم أكيد كتير فرص انفتحت لالي هون اكتر من الفرص الي ببلدي او يمكن الحظ ما لعب دورو منيح معي بالبلد
هل كان الاغتراب حلا بديلا ام اختيار؟
ببساطة خيار بين عدة خيارات بس كان افضل خيار بين كل الخيارات
كيف نتجنب ضياع اولادنا في الغربة؟
والله اخت ام جورج .. انا ماني متزوج ولا حتى مرتبط . يعني مافي اولاد ولاهم ولا غم .... بس يالله شدي همتك ولاقيلي عروس .ههههههههههههههههههههههههههه
بس رح جاوبك عن هالسؤال . منشان مايضيعو اولادنا لازم نحنا كعرب ببلاد الاغتراب نعلم اولادنا العادات العربية ونربيون على نفس الطريقة اللي تربينا عليا يعني المجتمع الغربي هوي مجتمع متل ما منعرف هوي مجتمع منفتح زيادي عن اللزوم . يعني لازم نضل مع ولادنا خطوة خطوة ونزرع فيون روح المحبة والتعاون لانو السيد المسيح هيك علمنا ... بالمناسبة ماحدا رح يخلد بس ولادو رح يبقو يحملو اسمو .. وفي متل عربي بيقول ( من خلف ما مات)
هل هناك اشياء اختلفت في شخصيتك او شخصية من حولك؟
نعم في كتير اشيا بختلف بشخصية الانسان المغترب انا هون مارح احكي عن حالي لانو بعدني مغترب جديد بس نتيجة اغترب الانسان وانخراطو بمجتمع غير مجتمعو رح تتغير كتير اشيا بشخصيتو وتفيكرو ما عندي فكرة كيف بدي عبر بس عبحكي كلامي عن فلسفة لانو في احد علماء الفلسفة بيقول ( الفرد يؤثر بالجماعة والجماعة تؤثر بالفرد)
ماذا تتمنى في هذه السنة الجديدة القادمة؟
بتمنى من السنة الجديدة عالصعيد الشخصي انو الله يديم صحتي وعافيتي اهم الشي
ويوفقني بشغلي وبطلب من الرب يسوع المسيح انو يكون معي بكل خطوة
والصعيد العام بتمنى من الله يوفق جميع الناس وبالاخص المغتربين ويكون معون بغربتون
كلمة اخيرة من خبراتك بالحياة.....
والله خبرتي بالحياة كتير قليلة ...
بحب قول انو الحياة عمل والعمل محور الحياة لانو الانسان بدون عمل متل الشجرة بدون ثمر .... والله يديم علينا الصحة منشان نأدر نعطي اكتر
واخر شي بحب قول لجميع المغتربين انو بلادكم عبتستناكم لا تطولو الغيبي

انا اسف كتير لاني طولت بالحكي
تحياتي للجميع........

[كبرئيل]

أنا صارلي أربع سنين بالغربة بحلب ....

هاي تنحسب غربة ولا لا ؟؟؟؟؟...... بشان أكمل باقي الاجوبة

[رافي]

لاء اخي كبرائيل .... كمل انا الي سنة وحدي مغترب ومع هيك كتبت بس للاسف ماحدا رد عليي...

[om-George]

بحب قول انو الحياة عمل والعمل محور الحياة لانو الانسان بدون عمل متل الشجرة بدون ثمر .... والله يديم علينا الصحة منشان نأدر نعطي اكتر
كلام رائع جدا

بعتذر لتاخري بالرد عليك اخي رافي
لان في مشكلة في جهازي ما عميعطيني كل لامشاركات الجديدة الي بتنطرح بالمنتدى
بالنسبة للدردشة لازم تراجع الادارة اكيد في سبب خلت الادارة توقف هل الخدمة حاليا

اما بالنسبة لردك اخي رافي
كل واحد فينا مغترب حتى لو ايام بحس بطعم الغربة
بكفي انو لسى ما صحي من الم ووجع الفراق
كم وجه ودع وكم وجه لا سمح الله ممكن ما يرجع ويشوفهن
الدنيا في متاعب كتيرة فيها فرق وفيها مرض وفيها موت وحياة
يعني بالزيارة القادمة بيجوز الي تركتهم لسى مراهقين يكونوا تزوجوا
طبعا ما بتمنى ابدا تطول هل ادة غربتك لكن ما حدى بيضمن ايمتى بيرجع


شكرا على كل اجاباتك الحلوة والصريحة
وشكرا تمنياتك الحلوة

وبتمنىلك الفرج القريب والتجاح في كل خطواتك
وان شاء الله السنة الجديدة بتحمل معها كل شي جديد وحلو

اسعدني مرورك واضفتك

[om-George]

كبرئيل الغالي
احيانا نحن في بلدنا منحس بغربة
تفضل وجاوب اخي الغالي فالغربة غربة انت تركت ام واب واخت واهل ودفء بيتك ورحت على بلد تانية بيوز انت اكتر واحد محظوظ بين المغتربين لكنك ايضا مغترب
منتظرين اجاباتك

شكرا مقدما

[nai]

منذ عام 1992 أخذت طريق الغربة
إقامتي الفعلية هي بلغاريا-بلوفديف( مكان تواجدي هو بين المانيا و بلغاريا)
الهاتف النقال : 004915203480372

تحياتي للجميع
جورج إبراهيم مقصود

[om-George]

اهلا بك اخونا جورج
ربنا يوفقك ويعطي كل صالح لك

نورت منتدانا

[قمر]

بتعرف رافي الغربة عن الااهل شو ماكنت ولو في بلد عربي صعبة كتير كتير

يلا ربنا بيعطنا الصبر اتاثرت في كلامك انو بعيد عن امك واهلك يلا لازم تامن مستقبلك وبعيدن كل شي بهون

انشالله غربتك عل خير تكون وتقدر تحقق لحلامك

[Rana]

شكرا كتير الك ام جورج على الموضوع الحلو و اسمحيلي اني انا كمان شارك فيه

كم سنة لك مغترب؟
8 سنين
كيف تقضي اوقاتك؟
من الصبح لبعض الضهر بالجامعة بعدين بالبيت بقضي وقتي بالدرس او عالنت و التلفزيون
بالعطل بحاول شوف رفقاتي او اطلع غير جو شوي
كيف تفرح او تعبر عن مشاعرك؟
اكتر الشي لما بكون في شي مفرحني بحاول احكي للناس القراب مني كتير
لحتى فرحن معي
لمن تفتح قلبك؟
حسب المشكلة اللي شاغلتني و معبى منها قلبي يعني بفكر مين ممكن يسمعني و يفهمني اهلي مثلا او رفقاتي المقربين مني كتير
كيف تواجه المشكلات من حولك؟ الشخصية والعامة؟
لما بكون عندي مشكلة همها كانت كبيرة او صغيرة بحكيها لاكتر شخص بثق فيه و برتحله و اللي بحس انه بخاف علي و بحب يساعدني عن جد
لانه براي انه المشكلة اد ما كانت كبيرة و صعبة لما بكون حدا بنثق فيه واقف فيها لجنبنا بتهون و بنوصل فيها لحل اسرع
هل كان صعبا التكيف مع جو البلد الجديد الذي اصبح بلدك؟
اكيد كان صعب بالبداية يعني الناس مختلفة عقليتن عن العقلية اللي متعودين عليها بيحكوا لغة غريبة و نظرتن للحياة مختلفة
ما هي التاثير النفسي الذي تركته عليك بعدك عن الوطن والاهل والاقارب؟
الحنين الانسان لما ببعد عن مكان بصير يحن لكل شي كان فيه بيته و ذكرياته و الناس اللي كان بيعرفن
و بظن انه الحنين كان اكبر اثر تركه فيني البعد عن الوطن
هل تعتقد ان الرجوع حل؟ ام انك اصبحت تحب الغربة؟ او ما عدت تشعر بها؟
لا اكيد مو حل بالنسبة الي صرت متعودة عالعيشة هون كتير و صرت حبها و ما حس اني بالغربة هون ابدا
ماهي الفروق بين مجتمعك في وطنك الام والمجتمع الذي تعيشه الان؟
الفروق كتير كبيرة و بكل شي يعني من شكل البلد و الشوارع للناس و عقليتن و طبعا العادات و التقاليد اللي كتير مختلفة
ما هي سليبات وايجابيات وطنك؟ وما هي سلبيات وايجابيات البلد الذي انت فيه؟
الايجابيات اللي حسيت وجودها بالوطن انه علاقة الناس ببعض اقوى و اقل رسمية
و انه العلاقات العائلية امتن بكتير من البلد اللي انا فيه هلا
اما السلبيات بظن انها معروفة كتير و واضحة بشكل عام بحس الناس اللي عايشين بالوطن
عم يواجهوا ضغوطات كبيرة بحياتن وهمومن كبيرة على جميع اصعدة الحياة
و بالنسبة للوطن اللي انا فيه سلبياته انه بكتير من الاحيان بحس انه ما في هون حدا لحدا ابدا
الايجابيات هي انه الفرص كتيرة قدام الانسان لحتى ينجح يعني اللي بيتعب على حاله بيوصل للي بدو ياه
و احلى شي بشوفه بهالبلد الحرية اللي بيتمتع فيها كل انسان
و الاحترام الكبير الموجود بطريقة تعامل الناس مع بعضن بكل المجالات
ماذا تنصح كل مغترب جديد؟
انه اكيد يحاول تكون تجربة الغربة تجربة مفيدة يستغلها منيح و يكتسب فيها اد ما بيقدر من الخبرات
و يحاول اد ما كان الوقت ضيق انه ما ينسى اهله و بلده الاصلي و يتواصل مع الاهل
ما هي افضل الحلول واخرها قبل الاغتراب؟
بصراحة ما عندي فكرة و كمان الحلول بتختلف حسب وضع كل شخص
ما الخبرات التي اكتسبتها؟
اكتر خبرة اكتسبتها اني اعرف اتعامل مع انواع مختلفة من الناس من جنسيات متعددة و بلدان مختلفة
هل هناك فرص اتيحت لك ما كانت لتتاح لك وانت في بلدك؟
هدا السؤال صعب يمكن اني جاوب عنه وما بقدر اعرف طبيعة الفرص اللي كان من الممكن تتوفرلي ببلدي الاصلي
هل كان الاغتراب حلا بديلا ام اختيار؟
بالنسبة الي ولا واحد من التنين لانه اهلي هنن اللي اختاروا يتغربوا
هل انت سعيد على هذا الحل او الاختيار؟
صح اني ما اخترت بوقتها هدا الحل بس المدلله سعيدة فيه
كيف نتجنب ضياع اولادنا في الغربة؟
ما عندي لسى خبرة بهالمجال لانه لسى ما تزوجت و ما صار عندي اولاد
بس بتصور انه متابعة الاولاد بشكل دائم و عدم الانشغال عنن و انه نعطي الولد ثقة كبيرة و حرية
ممكن يخلي علاقة الولد بالاهل قوية و يخلي بينن ثقة كبيرة تمنع الولد من انه يبعد عن اهله و يسلك طريق يوصله للضياع
كيف ممكن ان نحمي اولادنا من تاثير هذا المجتمع الغريب علينا؟
بالنسبة الي ما بعرف اذا هدا المجتمع رح يكون بالنسبة لاولادي بالمستقبل مجتمع غريب
المهم بالنسبة الي انه الولد يتربى ترباية منيحة يعرف يحترم الغير و يقدر يكون انسان ناجح بحياته
هدا اهم الشي
هل هناك اشياء اختلفت في شخصيتك او شخصية من حولك؟
اكيد الغربة بتفرض عالناس انه يتغيروا احيانا مثلا انه يتخلوا عن عادات سائدة ببلدن الام
بس غريبة بالبلد اللي هنن عايشين فيه
و بحس انه الغربة كمان بتخلي الناس يكونوا حذرين بحياتن و تعاملن مع غيرن اكتر
ماذا تتمنى في هذه السنة الجديدة القادمة؟
بتمنى الخير و الصحة التوفيق للكل
كلمة اخيرة من خبراتك بالحياة.....
بحب قول لكل المغتربين انه حاولوا التاقلم مع البلد اللي انتوا فيه و الشعب اللي عايشين بينه
لانه اي مجتمع مهما كان فيه سلبيات كتيرة اكيد فيه كمان ايجابيات بنقدر نستفيد منها و ناس اكيد معرفتن بتسرنا و بتفيدنا بحياتنا
و الانسان الناجح هو الانسان اللي بيقدر يتقبل الناس يتعامل معن مهما كانوا مختلفين عنه

[om-George]

اهلا بك اختي رنا

كتير مبسوطة بمشاركتك هيي لانها وفت كل الاسئلة متل ما انا حابة استفهم من كل شخص عايش تجربة الغربة بحلوها وبمرها

شكرا كتير عن تجربتك الي ذكرتيها
واكتر شي عجبني قولك انو الانسان لازم يستفاد من تجربة الغربة ويحاول يكتسب مهارات جديدة

شكرا لك مرة اخرى

نورتي الموضوع

[Dr Philip Hardo]

30 سنة ومازلت سوري وبحن

GOD BLESS