نحن ليش منخاف من الموت؟؟؟؟؟؟؟؟؟

[om-George]

سؤال بحيرني كتير

وبيجوزحكينا في اكتر من موضوع عن الموت

بس السؤال الاهم نحن ليش منخاف من الموت؟؟؟

مع انوكلنا منعرف انو الموت علينا حق

يعني بهل الحياة لا اخترنا نجي على الدنيا ولامنختار نتركها(بعيد عن حالات الانتحار)

انت \انتي بتخاف من الموت؟؟؟ليش؟؟

صار ادامك شي حادثة احتضار؟اوموت؟

او مريت انت بفترة حسيت انك شفت الموت متلنما بيقولوا

بتخاف من المرض؟

بتعمل كل شوية تحاليل حتى تطمن على حالك؟؟؟؟

بتفكرقبل النوم انو ممكن لا يجي عليك بكرى؟؟؟

ليشش كلما كبرنا بالعمر منفكر بالموت اكتر؟

بيجوز هل الفكرة وهل الطرح كتير سلبي

وبيجوزناس يصير معهم اكتئاب

وفي ناس مابهمهم او بهمهم بس بشكل ما بضايقهم

بس في ناس كمان بيعيشوا حالة ذعر من الموت

وممكن ناس تصيبهم حالة نفسية او مرض نفسي



انا بعترف انو في كتير اوقات خفت من الموت لاني دائما بحس انو غير مستعدة روحيا
على عكس اني مؤمنة وبروح على الكنيسة واحيانا كتير بهدي نفوس ناس مريضة وبحاول ازرع الامل في قلوبهم لكن في كتير لحظات بضعف فيها مين ما بيمر عليه لحظات ضعف

انت فيك تعترف ؟وبشو؟

مرت عليك هيك لحظات حسيت فيها بضعف؟

فيك تكون صريح معنا وتحكيلنا عن مخاوفك؟

حتى لو كنت ما بتخاف من الموت بحد ذاته من شو بتخاف؟

طيب شو فينا نعمل حتى نزيح هل الافكار والمخاوف من قلوبنا ومن افكارنا؟

بيجوز هل الموضوع جريئ شوية او ما انطرح بهل الاسلوب من قبل


عندي اسئلة كتيرة
عندي حلول كتيرة
وعندي اجوبة كتيرة
بس لازم يكون عندي كمان فكرة انتوا كيف بتفكروا


شكرا ورح تابع بشغف

رجاء شاركوني افكاركم وتعليقاتكم واضافاتكم


الموضوع المطروح ليس منسوخا او منقولا
اننا كقنشرينيين نحاول ان نتميز بطروحاتنا

[Nina sh]

موضوعك كتير حلو يا ام جورج
ما حدا ما بيخاف من الموت الموت الو رهبة لكن الموت حق علينا متل ما قلت يا ام جورج
فعلا بيجينا ايام منخاف كتير من الموت وبنفكر فيه وايام ما بيخطر على بالنا
انا بقول يمكن تكون من نفسية الواحد اذا كان مبسوطما بيفكر فيه وايام بيجعك شي وبتصيري
تفكري ليكون فيني شي لقوم اموت
ايه انا كتير بفكر قبل النوم انه ممكن لا يجي علي بكرا
من اسبوعين ايدي اليسار عم تجعني مع شوية وجع في الصدر ما اخدتها بشي قلت بركي شوية تعب
بعد كم يوم سمعت انه في شب بسوريا بعرفه صار معه نفس الشي وتوفي الله يرحمه
وهون صرت اخاف ومن خوفي حجزت موعد مع الدكتور شغلة ما فيا ملعبه
ومتل ما قلتلك يمكن شغلة نفسيه
واعتقد ها لموضوع بده حكي كتير وطويل
شكرا لطرحك ها لموضوع

[om-George]

منورة نينا

كل واحد فينا بمر بتجربةوبوقت بيضعف فيه
ومو غلط ابدا انو ننتبه عحالنا


ان شاء الله ما بيطلع معك اي شي
بس الحرص واجب
والله يرحم الشب الي توفى

كمان في حادثةمشابهة للحادثة لي حكيتيها في غرفة الطوارئ باحد مشافي امريكا دخل شب بيعاني من الم في الصدروالذراع الايسر الممرضة تطلعت عليه شب عمره 27 شو رح يوجعه قلبو .. خلتوا ينتظر بعكس القوانين الي بتقول اوجاع الصدر في الطوارئ بيدخلوا فورا
طلع برى ليوخد نفس لان صدره ضاق طب ساكت على الارض


مو لازم ابدا نهمل علامات معينة معروفة انو ممكن يكون الي عنا شي جدي


شكرا لمرورك وبتمنى اسمع منك المزيد

[قمر]

بيييييييييييييي يا ام جورج وين راح عقلك وفكرك لا بعيد
اول شي راح اقلك الموت لما بيجي بيجي متل الحرامي بلا خبر ولا اذان بدخل لا البيوت وبياخد اعز الناس

تاني شي انا وصلت لا الموت 3 مرات يعني بيني وبين الموت خط يا رجع لا بيتي يا بموت وربنا بياخدني بس ما كنت خايفة
القصة يا يعيني ولي جايين عل ابواب عيد شو بدناي هل الحكي
طيب راح احكي
اول قصة
اسمي اول مرة وصلت لا الموت كان عمري 15 سنة انا عما اكل جبس اتشردت والموت شفيتو في عيوني يعني من فوق ومن تحت بلاشيت معي الوح نتفق بس ربنا ساعدني لا اتخطا هل التجربة ودايمن بتذكر فيها بعد ما مرت فيها وصير تارتعب من الموت كيف الانسان بثاوني الروح بتطلع من جسمو


تاني قصة
تاني مرة لما انفجرت فينا الانش باخرة صغيرة متل ميامي فيس
انا واولادي زوجي وكنت عروس اقل من 3 سنين انفجرت متل الاافلام لما بتطلع نار وبيركضو الاسعاف والجريدة بتعرفي وجة ابني اول سطحاللحم انا كمشتو في ايدي وشيلتو من عل وجهو وهل القصة صالها 16 سنة وكنت افكر كيف بدنا نكون انا واولادي في 4 صنادق في يوم واحد بعيد الشر يا رب ينحكي وما ينعاد ومنها ايضا ارجعت لا بيتي واولادي وزوجي ومضت ايام صعبة كتير في المشفي مع ابني الصغير جورج والحمدلله عدت عل خير ومنها صدقيني ما بفكر في بكرا ابدا ولا بفكر لا الاايم بعيش كل يوم في يومي لاانو ما حدا بيعرف اذا بكرا راح يجي

رابعة قصة
مرة اي الموت كان خط بيني وبينو اي هي ما بنسا ابداا شربت دواء وطلعت عندي حساسية علية وما في ثواني بلاشيت احسن انو الزو عما يكبر وقلت لا ابني روح اصرخ الجارة وقلها تعي بسرعة امي عما تموت رانو حست عما اموت وبلفق روحي عن جدي ما بنسا هل الشي ابدا والجارة اخدتني عل المشفي لاانو زوجي كان بعيد عن البيت وفي الطريق صيرت قلها جولاندة انا عما اموت مالي خايفة لاانو كنت الااحد في الكنيسة وتناولت بس بدي منك تحطلي غرة وحمرة عل تمي هههههههه انا احكي هيك وهي تبكي في الطريق
بس رجعت لا بيتي واولادي بعد 4 ساعات لاانو عطوني سويرو وعايشوني

منها ما بفكر في شي ابدا دايمن بقول الله يطول عمري وافرح في اولادي واطمن عليهم واش ما اجا من ربنا خير
بس في الاخير دايمن اردات ربنا هي يالي بتمشي

وبرجع بقلك لا حدا بفكرفي بكرا ولا يهتم في الموت
لاانو الموت بيجي متل الحرامي وبياخد اعز الناس وبيمشي بلا خر وبلا مخبر

بيي علينا وين كنا وين صيرناااا شو جابنالا الموت دخليكم افتحو موضوع يفتح القلب مو يغط عل القلب
الله يطول عمركم وعمرنا يا رب ونفرح في اولادنا يالي اعزب يتزوج مو مهم الحياة فقيرة ولا غنية المهم نعيش هي اكبر نعمة من عند ربنا انو عايشين
حاجة بقا غط عل قلبي انا في الذكريات

قوليو مين بتزوج ومن بحب وين في فرح
عندي عزيمة ال 18 وعيد ميلاد بنت اختي ال 18 وعرس في 20
واااع مالي رايحة ولا زيارة ولا حفلة لاانو زوجي بكون عامل العملية قبل يوم
وهيك بكون وفرت مليون في خمس ايام هههههه
ه

[غادة عيدو]

الموت ............الكاس اللي ما بيقدر يهرب منو حدا
شو ما كان ومين ما كان
عزيزتي ام جورج , رح قلك سر , أنا يمكن عندي فوبيا من هالكلمة , حتى أولادي صاروا يعرفوا أوقات ابني بيقول ( بعيد الشر ) لما نموت , مباشرة تقول له ابنتي , ما تقول هالكلمة , بتعرف ماما ما بتحبا .
دائماً أخاف من أن أفقد أحد أحبائي , بالنسبة لي , لن أقول بأنني لا أخاف على نفسي ولكن عندما أفكر فيه , أجد نفسي أفكر في أولادي وزوجي وأهلي والألم الذي سأسببه لهم , وماذا سيكون حال أولادي بعدي , هذا الذي يعذبني .
متل ما قالت قمر ربنا يعطي الصحة وطول العمر للجميع
وألف الحمدلله على سلامتك قمر , عمر الشقي بقي
أنا متلك بسبع أرواح , أكتر من مرة قرّب عزرائيل , بس هوي اللي خاف , وانشاء الله ما يرجع مرة تانية .
محبتي
غادة

[hend]

عزيزتي ام جورج اصعب كاس هو كاس الموت. سيدنا يسوع المسيح طلب من ربنا ان يبعد هذه الكاس عنه اثناء الصلب فكيف نحن البشر بضعفنا و بقدرتنا المتواضعة رح نتقبله بسهولة وبالنسبة لي متل ما ذكرت الاخت غادة عندما نفكر في الموت نحاول ان نبعده عنا ليس لاننا نخافه لا بل لاننا نحس للوهلة الاولى انه سيبعدنا ويفرقنا عن احب واقرب واعز الناس على قلوبنا وانه سيحرمنا منهم وكيف ستكون حياتهم من بعدنا .لذلك لا نتقبل الفكرة بسهولة ثم في النهاية اذا اتى فعلينا القول هذه مشيئتك.وعلى اي حال خلينا نكون متفائلين دائما بالحياة لانها حلوة والله يبعد الموت عن الجميع ويعطيكم ويعطينا العمر الطويل . تقبلي مرورى وتحياتي . اما العزيزة قمر الحمد لله مليون مرة على سلامتك وسلامة عائلتك وانشاء الله ما بقى تشوفي شر ابدا والشفا العاجل والسلامة لزوجك .تحياتي ومحبتي

[om-George]

شكرا يا صبايا على مداخلاتكم وتجاربكم

فكرة الموضوع مو تخويف ولا زرع الشك في قلوبنا من رحمة ربنا ولا انونخلق مشكلة نفسية بالعكس
نحن لازم نحكي فيها وبكل جرأة(حتى لو تدريجية) والحقيقة انونحن لازم نحكي عن كل مخاوفنا مهما كانت زغيرة
لان كلما حكينا عن مشاكلنا كلما زغرناها وممكن نلاقيلها حلول من اناس ما كنا نتوقع انو يعرفوا يحلوها او حتى انو يكون في حل للمشكلة نفسها

وكمان نحن لازم نعرف شونعمل في اوقات معينة او ظروف او حتى مشاكل ممكن لا تخطر على بالنا بس احتمال نمر منها


رح نتابع افكار البقية واراءهم بكلمحبة واحترام

وتعليقا على كلامك يا قمر

فينا طووووول الوقت نلاقي ناس نحكي معهم عن اي شي بفرحنا
بس فين وفين تلاقي حدى يقدر يستمع للاشياء الي ما منقدر نحتملها لوحدنا متل المرض والوجع ومن الخيانة ومن ضيقات النفسية والفكرية والمالية

معقول في حدى بينا رح يعيش حياتو كلو فرح؟؟؟ اكيد لا

الفرح والبهجة وكل شي ايجابي بالحياة بنحمل من ناس حتى ما بتعرفيهم
بس السر والامانة ومخاوفنا وسلبياتنا ما بيقدر يحملها معنا الا الانسان او الصديق اللي بيفهمنا واللي بيهتم لامرنا



نورتوا صبايا كتير مبسوطة بتفاعلكم

[nahren]

اول شي الرب يبعدكم جميعا عن الموت
اصعب كاس هو كاس الموت لكن الكاس بيكون اصعب لما بيكون الموت بسبب القتل
في متل عنا بنقولوا ان الموت من الله هو اكليل من الذهب
لكن لما بيكون بفعل الانسان ( اقصد الجرم )هاد هو الكاس الاصعب

مافي حدا الا ويكون مر بتجربة وكان قريب على الموت لكن حكمة الرب فوق كل شي الوقت المقدر من الرب انو الانسان يموت مابيقدر حدا يتهرب منو ..
شفنا العجب هون وسمعنا قصص صارت بالاخص عنا لان بتعرفوا نحنا كل لحظة معرضين للموت ...
مرة واحد صابه 7 طلقات وما مات سبحان الله
ووناس تانيين هربوا من بغداد وطلعوا على دول الجوار وكمان للمناطق الامنة وفجأة ماتوا ....
وتتوالى القصص
انا مابخاف من اني موت بس بخاف كتير من فقدان
اعزاء على قلبي .....

الله يطول بعمركم جميعا اخوتي الاعزاء


يسلموووو ام جورج على الموضوع الواقعي جداااا

[narod2008]

ولي شو هالوضوع الي بيخوف ام جورج
الموت حق على كل البشر وكاس كلنا بدنا نشرب منو بيوم من الايام
بس كل شي الو وقت بالحياة وما حدا بيعرف شو بدو يصير معو بكرا
ومافي حدا ما تعرض لمواقف بالحياة وما خاف من الموت او حس انو رح يموت
يعني انا السنة الماضية تعرضت لالتهاب في عيني خفت كتير وما نمت الليل وانشغل بالي كتير بالاخير طلعت شغلة بسيطة وتعالجت بالادوية والابر(مع انو بخاف كتير منها ) بس خفت من الموت اكتر واخدت الابر بالظور
هاد كلو لان خفت من الموت....

بس ما بفكر بالموت ابدا وما بفكر بكرا شو بدو يصير
دائما بحمد الله وبشكرو على كل يوم بيمر من عمري ان كان يوم سيء او جيد بالنسبة الي.
الله يبعد الشر والمرض عن كل الناس الي بيحبونا والي ما بيحبونا كمان

على كل حال شكرا ام جورج على هالموضوع الشيّق بنص الليل
هلا عنا الساعة وحدة نص ليل وما بعرف كيف بدي نام بعد هالموضوع المخيف هههههههه
محبتي

[mari]

اختي العزيزة ام جورج
شدني الموضوع بصراحة وبها سارد عليه ....
ما دمنا بشر من لحم ودم اكيد نخاف من الموت في لحظة من اللحظات كون هو فقدان الحياة وعدم القدرة على كل شي ...

انا بشوف كتير اشيا بتخوفني بالموت .... منها
ان اموت وقبل ما عتذر للي غلطت بحقهم سواء كان بقصد او غير قصد وبالعكس ان اموت وبقلبي شيء على احد وما سامحت اي حدا غلط بحقي ...
وشي تاني وهالشي هو اهم اخاف اموت وما اشوف اخوتي المسافرين وكتير ناس عزاز على قلبي اتمنى اشوفهم يارب تتحقق هالامنية وخليني موت مو مشكلة
وبخاف ما يتحقق على الاقل شي واحد اطمح الو ..... راح تبقى حسرة في قلبي حتى بعد ما اموت يا ام جورج ههههه


واخيرا اتمنى السلامة لجميعكم

[om-George]

كلنا اكيد مر علينا اخوتي لحظات خوف عميقة
بس لازم نتغلب على هل اللحظات ونصلي ونطلب من الله لا ياخود ارواحنا قبل ما نودع كل الي منحبهم وقبل ما نعترف ونتناول حتى نكون مستعدين للسفر من الارض للسماء
لان الموت هي بداية لحياة اخرى في الفردوس


ربنا يرفع عنا ويسندنا

شكرا لمداخلاتكم

لا تخافوا كتير ثقوا بربنا وصلوا كتيييييييييير