عزيزتي فيروز

لطرح ومناقشة المواضيع العامة
أضف رد جديد
najwa
قنشريني جديد
مشاركات: 47
اشترك في: الثلاثاء فبراير 14, 2012 10:09 pm
مكان: سوريا-اللاذقية

عزيزتي فيروز

مشاركة بواسطة najwa » الاثنين أكتوبر 01, 2012 8:36 pm

عزيزتي فيروز....
أنا بحبك كتير بس عندي كلمتين بدي احكيهم ...
.
.
.
كنت حابة خبرك أنو جسر اللوزية فجروه ....
ودروب الهوى انقطعت .... لأنو فيها دواليب شاعلة
وما عاد عم ينطرونا ع مفرق دارينا .... هلق عم ينطرونا ع الحاجز اللي قبلوه
وطريق النحل ما عاد حدا عم يسترجي يمشي عليه .... خوفا" من شي عبوة ناسفة أو شي قنبلة صوتية
واسم حبيبي اللي كتبتو ع الحور العتيق ..... احترق مع غابات بلادي
والبوسطة يلي كانت تنقلنا من ضيعة حملايا لضيعة تنورين عم تروح فاضية .... لان العالم ميتة رعبة من طرقات السفر
وصرنا بدل مانسمع صوت المهابيج ....
عم نسمع صوت ا ربي جي – بي كي سي – هاون- رصاص – روسيات
والسيارة مش عم تمشي .... لان ماضل معنا حق بنزين
والقهوة اللي ع المفرق سكرت وصرفت الشغيلة
وجوزها لأم سليمان ما طلع عم ياكل رمان بالحقلة .... طلع مخطوف .... وأم سليمان باعت اللي فوقها واللي تحتها حتى تطالعوا
وبعد ما ضاع شادي .... استشهد جورج واحمد وعلي وطوني وإسماعيل وعمر وحسين
وما عاد فيكي تقطفي ولا زهرة حمرا.... لان الزهر اصفر من خجله قدام دموع الأمهات ،
ويبس لان المي مقطوعة مثلها مثل الغاز والمازوت والبنزين
...............
لذلك ........... أنا قررت اخذ هالناي وغني .... بلكي هالعالم تسمع مني وتصحا وتتذكر انو
* سوا ربينا *
.............

منقولة من صفحات الانترنت

بتقولو ممكن حدا يسمع ويقنع انو سوا ربينا
من هو أمين على حياتي مثلك! في ثقة ويقين أسلمك كل حياتي.
أنت الطريق والحق والحياة،أنت سرّ نجاحي وفرحي........

ashor
مشرف عام
مشاركات: 4162
اشترك في: الجمعة سبتمبر 17, 2004 7:55 pm
مكان: syria

Re: عزيزتي فيروز

مشاركة بواسطة ashor » الاثنين أكتوبر 01, 2012 9:37 pm

+++

شكراً اخت جوانا

لا اعلم الى متى ستظل الأذن التي نسمع بها تسمع اصوات القنابل والقذائف
ولا اعلم الى متى ستظل اعيننا ترى مشاهد الدمار والاغتصاب والقتل والتمثيل بالجثث
ولا اعلم الى متى ستظل حواسنا كلها تعيش حالات الرعب والقلق
ما يفزعني هو ان تطول هذه المسرحية التي انطلقت على حساب الفوضى الخلاقة التي ابتدعها المجرمون والخونة بحق الشعوب الآمنة ..

لا اعلم ؟؟؟

****
صورة

هذا التوقــيع من تصميم الاخـت تـوتا مشكــورة

*************************

صورة العضو الرمزية
قمر
مشرف إداري
مشاركات: 9196
اشترك في: الأحد سبتمبر 24, 2006 7:02 pm
اتصال:

Re: عزيزتي فيروز

مشاركة بواسطة قمر » الثلاثاء أكتوبر 02, 2012 2:36 am

كلام حزين فية غصة في الحلق ويالي كتبني كلو صح وانكتب من دموعك ودموع العالم كلمة كلمة فيها حرقة قلب واهات موجوع ما منتقدر نعمل شي غير الله يهدي الا احوال ويقدر ع الظالم مبارح كان الضرب في القامشلي واليوم رجع لا حلب بعد هدواء ساعات بس
الله يحمكم يارب الله يحميكم يا شعب سوريا :hands:
الله يحيميلنا كل شخص غالي علينا وعليكم :hands:
الله يحميكم يا شعب سوريا :hands:
شكرا نجوي ويحميكم اي شر اختي
صورة

2014

صورة العضو الرمزية
nahren
مشرف إداري
مشاركات: 6425
اشترك في: الأربعاء مارس 28, 2007 6:58 am

Re: عزيزتي فيروز

مشاركة بواسطة nahren » الأربعاء أكتوبر 24, 2012 9:48 pm

عزيزتي فيروز :qenshrin_flower:
راح يرجع كل شي متل قبل واحسن بعون الرب الذي تؤمنين ونؤمن به
وغنياتك راح تظل بقلوبنا وبكل موقف وبكل الازمان وبكل الظروف
:qenshrin_flower:


عزيزتي نجوى :qenshrin_flower:
صعب كتير لما نشوف كل شي عم يتغير حوالينا
وانو كل شي عم ينكسر بس اكيد الله كبير وكريم
وكل شي راح يكون بخير لما نقوي ايمانا بالله وبالرب يسوع المسيح
لانو مافي مستحيل اما الله
وكلو راح يصير ذكريات نحكيها لاولاد ولادنا متل ما عم يصير معنا هلا
عم نحكي كل شي لاولادنا وراح نستمر نحكيه لاحفادنا
ونرجع نسمع اغاني فيروز صباحا ومساء بقلب مفعم بالحب
الله يحميكم ويحمي سوريا وكل البلدان وكل الشعوب
:qenshrin_flower:

لا ادري كيـــــــــــــف لكــن أعلــم أنه يســتجيب
أرفـــــع شـــكواي اليه وهـــو لا شـــك يــــجيب

أضف رد جديد