هل انت مع الشاب الذي تطلبه بنت للزواج ؟؟؟

[serly]

السؤال ؟ هل انت مع زواج المصلحة وبالاحرى تقبل تتزوج بنت مقابل مالها وتتغاضى عن كتير امور وعن اصلها مقابل المال ????


في قصة صارت قريبا مع شب جاري بحكيا بعد الردود ,

يلا شباب وبنات عطوني رأيكم

[رياض]

اهلا سيرلي باول اطلالة الك موضوع جيد ومهم
رح نخلي المو متزوجين يعطو ارائهم
لانو زواج الحب ما عم يدوم بقى كيف رح يدوم زواج المصلحة

[marko]

هاي سيرلي

انا بالنسبة الي اكيد ما برضى بغض النظر عن كلشي ولو حتى هي منيحة وبنت ناس ولا يجي يوم واسمع منها كلمة (انا يلي عملتك ) ...... تحياتي

[MiChAeL_dA]

تشكري أخت سيرلي على هالموضوع المهم ...
لما شفت عنوان الموضوع أول الشي كان جوابي " نعم"
بس لما قريت الموضوع تغيرت نظرتي
أنا ما عندي مشكلة أنو البنت تتقدم للشب ما فيها أي مشكلة
بس اذا الزواج رح يكون زواج مصلحة أو" صفقة زواج" متل ما ذكر الأخ ماربولا بأحد مواضيعو السابقة ..

شكرا ...
ميشيل ..

[serly]

ميرسي الك اخ رياض على مرورك ..... تحياتي

[serly]

ميرسي ماركو على مرورك وهاد هوة الصح وصعبة كتير كلمة انا عملتك ...... تحياتي

[serly]

ميرسي ميشيل , بس انا بشوفا صعبة البنت تتقدم للشب وبهالايام في نسبة كبيرة من الشباب عم ياخدو البنت اللي عندا بيت بيكون هيك وفر على حالو مشترى بيت ....... تحياتي

[nahren]

شكرا سيرلي موضوع متميز
انا مع الاخ رياض زواج الحب ما بيدوم كيف زواج مصلحة
يعني بعد ما تنتهي المصلحة ينتهي الزواج
وللأسف شاع هذا النوع من الزواج في هذه الايام

وخلينا نشوف اراء الاخوة والاخوات الغير متزوجين


تسلم ايدك سيرلي

[serly]

القصة اللي صارت مع شب جاري من فترة اجت بنت من كندا وعم تدور على عريس على كيفا وهوة شب كتير حلو وعمرو بحدود 30 وضعو منيح بس طمع الانسان ؟؟؟؟؟؟ ولما شافتو البنت وهية اكبر منو بـــ 4 سنين تقريبا عجبا الشب وحكت معو وهوة وافق طمعا بالسفر لكندا واموالا وخطبو تقريبا شهرين وصرفت عليه كتير ودارو كل مصايف سوريا واخدتو لمصر وتركيا طبعا كلو على حساب البنت ولما صار وقت الاكليل
وتحضيرات العرس كانت من افخم ما يكون والناس كلون راحو عالكنيسة وكتير معازيم جايين من كندا ليحضرو الاكليل واذ العريس حس انو هوة كان عم يلعب وصار هلا الجد فحكى مع صديقو تلفون وقالو لاقيلي حجة اطلع من البيت رفيقو وافقو الكلام واتصل فيه للبيت وطلب من ابوه انو يحكي مع العريس لامر ضروري ما بيتاجل ابدا والعريس قال لاهلو اسبقوني عالكنيسة انا ما بتاخر لازم انزل ضروري من البيت في مشكلة لازم تنحل واهلو ما اخدوا بشي راحو وعلى اساس رح يلحقون العريس والعروس بالسيارة عند باب الكنيسة عم تستنى ........ يا حرام وصار اكتر من ساعة وما بين حدا وأذ بيجي تلفون من العريس حكى مع اخوه قالو انا صرت على طريق القامشلي وما بدي هالجوازة انهارت اعصاب العروس وراحت عالمشفى وصغر اهلو قدام كل الناس ????????

يا حرام شي بوجع القلب ........تحياتي

[serly]

بشكرك اخت نهرين على مرورك ......... تحياتي الك

[رياض]

دايما الانسان غريب وطماع
وهيك قصص مو غريبة على طبع الانسان
شكرا سيرلي

[قمر]

بتعرفي هل الشي كان من قبل
بس الشاب ما في عقل اكيد انو هو بيعرف شو عما يعمل وشو عما ينتظرو
في كتير بنات بتزل بتزوج ابن عرب وبتيجيبو لا بلادهاا
بكون معها مال وبيصير يكون الااغلبية عل قد حالها بس ما طلع نصبيها في بلادها
وما بدها تتزوج اجنبي بتجيب ابن عراب لاانو شد ما كان ابن عراب بكون احسن من الاجنبي هو اكيد بيطمع في انو يسافر لا امريكا واكيد بيجي بيحترام زوجتو
وهل الشي الزواج راح يكون لا العمر كلو اكيد مو نهار بس

هو يالي بلاش غلط وما بيعرف شو بدو
البنت ما غلطط في شي لا اول واحد ةولا اخير واحدة بتنزل لا سوريا وبتزوج ابن عراب دايمن بيصير هيك بس هلا قليل كتير
الشاب العاقل اذا سافر اكيد راح يحترك زجتو واولادو

البنت ماغلطط في الشي من سؤ حظها انو ا الشاب طلع ما فيو عقل

شكرا سيرلي

[ROBER]

انا بقول انو الزواج من دون الثقة والتفاهم بين الطرفين رح يكون صعب
اما اذا كان الموضوع معلق بمصلحة او بلمال رح يكون اصعب

[قمر]

مومشكلة مال مشكلةالفقر في بلادنا كتير شباب بتيجي لا هون وبتريد تعمل مستقبل
وبدها تطلع من بلادها بس قليل لا يطلعو شباب كويس في حق بيوتها
ولما بيجو بفكرو راح يجو عل بساط من دهب ما بيعرفو انو راح يتعبو ويشقو عل للقمة بس
برجع بقلك البنت لما بتنزل لا سوريا تتزوج لاانو ما بدها تاخد من الشعب

[serly]

كلامك صحيح اخ رياض وميرسي الك مرة تانية على مرورك الكريم