الضايع ومار مارون (جان استيفو )

[جان استيفو]

الضايع ومار مارون
واحد ضاع بصحرا وصار يدعي لمار مارون يخلّصو .
وبعد شويّ شاف كلب
وبعدو لاقى حصان
وبعدو صادف قافلة
وبعدو هبت عاصفة قوية كتير رمتو قتيل .
وبالعالم التاني , وهو الله عبحاكمو , طلب يشوف مار مارون
ولمّا اجا قالوا:
هيك يا مار مارون بناديك وما بتسمعني وبستنجد فيك بتقطعني !
جاوبوا مار مارون :
بعتّلك كلب ما تبعتو
وبعتّلك حصان وما ركبتو
وبعتّلك قفل وما لحقتو !
قمت بعتّلك عزرائيل يجيبك لهون لأنو ما نفعك العون
ويلّي بضيّع فرصة من فرصاتو
حرام عيشتو وحياتو
( الراوي عارف انطوان طحان 2006 )

[nahren]

بالبداية بحب رحب فيك من جديد لرجعتك الحلوة للمنتدى اخ جان
والقصة حلوة كتير في كتير مرات الله بيبعتلنا عون وبشفاعة القديسيين لكن نحنا بنشوف انو هالشي مو خير النا ونضيع الفرص من ايدينا
وبعد ماتروح الفرص نكتشف انو كانت خير لو استغليناها ....


شكرا الك واهلا فيك مرة تانية