عادات بالية وافكار متحجرة

[ashor]

+++

ربما كل منا يعاني من عادات وافكار تجعله يقف عندها
ليقّيم موقفه منها ومدى تأثيرها عليه وعلى المجتمع
هنا نسأل بعضنا البعض الا تشعر عزيزي / عزيزتي احيانا ان فكرك يتخذ طريق
غير ما هو تقليدى او معتاد فى المجتمع الذى تعيش فيه؟

الا تشعر انك تنظر احيانا لبعض الافكار و العادات و التقاليد من حولك
على انها انها غير منطقية؟ بالية؟ لا يوجد قاعدة تستند عليها او ما يبرر صحتها؟

اليس هذا ما يسمى بالتمرد في اللاشعور ؟

كثيراً ما نفكر بخوف ان تخشى احيانا ان يظهر التمرد فينا فنصبح منتَقَدين منبوذين ؟
اليس هل هذا هو نوع من عدم الحرية او القهر الفكرى او المعنوى؟

الم تراودنا افكار لحظية تدعونا ان تتكلم عما نظنه تقاليد بالية و ليس بالضرورة ان نكون متاكدين اننا على حق ربما فقط نحتاج الى من يقنعنا بتلك التقاليد
او ربما لا نحتاج ذلك اذ هى فعلا فى نظرنا تقاليد بالية

يبقى السؤال المطروح :
اليس هناك ما بين التمرد و الانفلات في كثير من الاحيان مسافة صغيرة.

لماذا لا نتكلم بكل صراحة و جرأة عما نظنها افكار او تقاليد بالية:

ولكي اعطي مثالاً على ذلك اسمحوا لي ان ابدأ بمثال بسيط:
على سبيل المثال "لبس اللون الاسود بعد وفاة احد الاشخاص القريبين؟
الا تعتقدون معي ان الكثيرات حكم عليهم بلبسه سنوات خوفا من نظرة المجتمع.
الا تؤمنون ان الحزن فى القلب وليس في اللبس؟ الا ترون معي انه لون كئيب...
الم تشاهدون معي ان هذا اللون لم يغاد بيوت كثيرة لسنوات طوال ..
إذا : لما تتقيد السيدات بلبسه؟ هل تقر مسيحيتنا ذلك؟ ام ان الانسانية برمته تقر بذلك ؟
لا اعتقد ذلك ...اليست تلك العادات مظهرية؟
هل عند وفاة شخص ستخلو الحياة من الفرح ؟
هل لا يليق للحياة الفرح بعد موت احد احباءنا ..
اسئلة كثيرة وكثيرة ربما تخطر في اذهاننا ربما نريد من وراء طرحها
تغيير بعض المفاهيم اللتي تعيق من تقدمنا وتطورنا
هذا نموذج لما تفرضه نظرة المجتمع على الانسان احيانا و حريته الشخصية.

اتمنى مشاراكاتكم بايجابية و لنناقش كل مثال يعرض من الاخوة كافة .

اتأمل التفاعل مع الموضوع بجدية

.....

[لينا]

يعطيك العافية اخ اشور على الموضوع بالفعل شي يستحق النقاش يعني مجتعنا صار بدو ثورة للتخلص من التخلف اللي نحنا عايشين فيه

فكرة حلوة لاحظتها بالموضوع
اليس هناك ما بين التمرد و الانفلات في كثير من الاحيان مسافة صغيرة.



بالنسسبة للبس النساء اللون الاسود عند الحزن اكيد ما الها علاقة بالدين المسيحي هي عبارة عن عادات اجتماعية نحنا صعب نتخلص منها لانو بنخاف انو الناس يقولو نحنا ما بنحب هاد الشخص اللي مات وليش لبس الاسود للنساء فقط ؟شو مشان الرجال؟
و لازم ما نكتفي بلبس الاسود لازم نزور القبر 3 ايام بعد الوفاة هي كمان عادة اجتماعية متوارثة ما إلها علاقة بالدين المسيحي بس الناس بيظنو انو نحنا بنزور القبر لانو النسوة حاملات الطيب زارو قبر المسيح بس هني ما راحو بقصد الزيارة هني راحو مشان يكفنو الجسد و يدهنو بالطيب


هي الشغلة كمان بتمنى انو نتخلص منها بمجتمعنا
شكرا اخ اشور يمكن اذا بدنا نحكي عن كل شي لازمو تغيير بالمجتمع ما بنخلص
بس شي حلو انو الواحد يسعى للتغيير يمكن يقدر يعمل شي

[h.hazim]

العزيز أشور

العادات والتقاليد تأخذ حيزا كبيرا في حياتنا والخروج عنها في بعض المناسبات يجعلك معرضا لثرثرة القلة من الناس وتماشيا مع هذه العادات الكثير يميل لتطبيقها .

هناك عادات كثيرة إن أمعنا التفكير في تصرفاتنا فسنجد بأن أمور كثيرة يجب تغييرها

شكرا أشور موضوع عميق يطول الجدال فيه ومهما كان رأينا العادات لن تقبل رأينا ولكن الذي يستطيع أن يغيير

هو الشخص نفسه ضاربا بكل هذه العادات عرض الحائط .

محبتي

[wardi]

الغالي اشور الحمدلله خلصنا من العادات البالية لانه بالغرب مافي
احسن من هيك واذا نحكي شي عن عاداتنا يضحكوا علينا ويقولوا خرافات
عن اي شي ومابيصدقوا الحكي كله علئ بعض لانه مابيهم شي ومابيفرق
هنن عايشين حياتهم ومو مهتمين لهيك اشياء وكل الي تعلمنا هون رح نمشي عليه

[قمر]

عادت اخي اشور عادت
1- الست لازم تلبس الاسود لا سنة واتنين و3سنين
وارجل عل الاربعين يمكن بتزوج

2- اذا ما لبست راح تحكي العالم كتير وتقول بييي عل ا لاربعين شلحت الاسود
ولا شوب اذا ما لبست جراب اسود بييي شوفو مالها لبسة جراب
عادت وتقليد تقلية علينا
بتعرف اخي اشور هون الشعب نهار الموتة بتلاقي عما يشرب بييرة والكل لبس بني يا ليللا يا ابيض
وحالين نحنة ايضا عما نلبس اسود وابيض عل القريب بعيد اشلر عن الكل ويطول عمركم

3- كل شي بطرف ال العزا بكون الوحد ماقلو قلب عل شي بتلاقي البيت انخرب في الغداء والعشاء و30 شخص واكتر موجود عندك وصاحبة البيت ما بكون قلها قلب لا اي شخص وياما ناس لغو كتير من هل العادات عنااا

الحمدلله حتي اخد الخاطر في صالة الكنسية صايرة
برجع بقلك عادت تقلية صعب نتحلص منهاا بسرعة
صعب

[رياض]

الاخ اشور
هل يمكنك ان تدلني على عادة واحدة جيدة حافظنا عليها
او هل يمكن ان تدلني على عادة سيئة تخلينا عنها
نحن شعب محكوم بالعادة
تعودنا ان نحكي كذا عيب ان نحكي غير اللي تعودنا عليه
تعودنا نلبس كذا عيب نغير لبسنا مع انو الناس وصلت للقمر
تعودنا البنت تقعد بالبيت والشب يشتغل وعيب نغير هالشي مع انو البنت بكل دول العالم صارت تشتغل اكتر من الشب الا عنا
وهون بحب ذكر بهالنقطة انو البنت هي السبب بكثير من الاحيان بتلاقيها بتنادي وتطلب التغير ولما يوصل التغير الها بتقول اوف شو بدها تحكي العالم علي
كتير تعودنا وكتير ما عم نحاول نغير وش تعودنا اخ اشور
لحتى نتغير بهالبلد بدنا حدا يامرنا نتغير
والا لوحدنا ما رح نتغير
شكرا على الموضوع اللي بدو صفحات من النقاش

[غادة عيدو]

الأخ العزيز اشور...........
نحنا شعب تربينا على أنو نعيش لحتى نرضي الناس !!!!!!!!!!!!!!!!
بس نحنا مو شرط نكون مقتنعين بالأشياء اللي عم نعملها ,بس هيك تربينا , وهيك كانت عاداتنا وما زالت .
بالغرب - متل ما قالوا الأعزاء - بيتصرفوا بالطريقة اللي بتريح الشخص نفسه بغض النظر عن أي رأيي خارجي , بس عنا لازم نرضي القريب والغريب والجارة وجارة الجارة وإلا منكون شذينا عن القاعدة .
عنا عادات حلوة بس كمان حكمتنا أمور متعبة ,لازم نساير حتى لو ما اقتنعنا .
الحياة تطورت بس أحياناً في ناس حتى التطور والتقدم المادي خلق عندهم افكار متحجرة ومتخلفة , فمثلاً سأعطيك هذا المثل :
كنت أدرس إحدى قريباتي وهي في مرحلة الابتدائية - وطبعاً ببلاش - وفي إحدى المرات عندما كنت هناك اتصلت أخت الأم لتسأل أختها ما هي الطريقة التي يجب عليها أن تدفع للمعلمة التي تدرس ابنها ؟
فأجابتها : متل ما بتدفعي للخدامة اليومية !!!!!!!!!!!!!
هؤلاء هم أبناء النعم اللذين ورثتهم النعم أفكاراً متعالية متحجرة .
فليس بالضرورة أن نرث العادات المتحجرة من الماضي بل إننا نخلق اليوم أشياء بالية نزيدها على صفحات الماضي .
أشكرك أخ اشور على الأفكار المهمة التي تدعونا دائماً لمناقشتها والتي تمتعنا
محبتي
غادة

[a3az elnas]

شكرا اشور طرح اكثر من رائع
موضوع يستحق المشاركة
لي عودة لان الوقت داهمني وعلي الخروج
لنا عودة