ضيف الأسبوع الحادي والثلاثين / عاشق البرازيل /

[talin]

هاي اخ عاشق برازيل
1_اهتماماتك
2_اللغتك المفضلة
3_برايك شو الفرق بين اليوم وبين السنة بين 1950 او بستينات
4_ليش اخترت اسم عاشق برازيل بموقع قنشرين؟ اكيد هلا من اسم انا اكيد فهمت لكن في اسباب تانية
5_الاشياء الى كنت تتمنهاها وماتحققت لاهلا شو هي؟ وهل تركض ورة احلامك
6_البلد الي بتحسوا بلدك التانية؟؟
7_بتحب اي نوع من المو سيقى؟ مع انى لقيت انك ابتسمع بول وبتفهموا لمة بيغني؟
8_وشو الاشياء الي بيخليك اتطير من الفرح (لكن من فرح الحقيقي)
9_امنيتك للحياة ؟؟

[عاشق البرازيل]

اهلا فيكي امورتنا رنا بعدين خيتووو مافي داعي للشكر بالعكس الشكر مني الكن انتو لانكن عطيتوني هالفرصة وبوعدم استغللها اكبر استغلال وخللي الكل يعرف ابو العز من خلال هالاسطر اللي رح خلليها تختصر كتاب حياتي
عزيزتي رنا بالنسبة للتقاليد بالمجتمع السوري مامنقدر نحصر اساسها لمجتمع معين لانو معروف بسوريا انو تعاقبت عليها حضارات مختلفة من مختلف الشعوب كالرومان والفرس والاشوريين والمماليك والعرب القادمين من الجزيرة والاتراك واخر شي فرنسا
وبالتالي صدقيني عاداتنا وتقاليدنا هي نتاج مشترك من اغلب هالحضارات وشي طبيعي انو لكل عصر وزمان تقاليد قد تصلح بزمننا هاد واخرى لاتصلح بهالزمن مثلا انا مو ممكن عامل البنت متل ماكانو يعاملوها من مية سنة بس في عندك مثلا احترام الاب والام هاد المفروض يستمر طول العمر وعندك الاهم عندي كلمة الشرف هي شغلة كبيرة انا بالفعل بحب اي شخص وهاصة الشب يرتبط بكلمتو وتكون هي عقد موثق هاد شي كتير كبير عندي
اما بالنسبة للتقاليد عند الغرب فانا بقوول انو ضروري ناخد من الغرب كل شي منيح ونترك اللي مو منيح لانو حتى الغرب بذاهن اخدو مننا كتير من زمان ومشان هيك تطوروا وانا بجد بستغرب من الاشخاص اللي بطالبو اننو مانتفاعل مع اي شي بجينا من الغرب رح اعطيكي مثل واحد
امريكا دولة عظمى عم تعمل حروب وعم تعمل بلبلة بكل دول العالم بس شو رايكن بالابحاث الطبية اللي بيعملوها مراكز البحث بامريكا ياترى مو حلو نستفيد منها ولا لا مو لازم هالشي على اعتبار انو امريكا دولة معتدية
يعني بالفعل الامر بالنهاية نسبي عزيزتي رنا انتي سورية وحلو تحافظي على العادات الحلوة اللي عنا وتطبقيها بالسويد بس مو غلط تاخدي من من السويديين الشي اللي بتشوفيه حلو ومنيح
بعرف رح تقولي عني شوووو مفلسف هههههههههههه رح قللك صح لانو انا بزمانوووو علمت الفلسفة لافلاطون وارسطو ايام شبابي ههههههههههه
الموضوع طويل كتير رنوووش وصعب نحكي عنو برسالة وحدة واكيد مع الايام رح نبحث فيه كتير
ولو عزيزتي رنا كلنا على حسابك خيتووو بعدين شو تقلتي علينا ماانا بالاساس تقيل وخالص من الاول هههههههههههههههه
رجعتي قريبة كتيرررررر ورح تكوون رجعة مميزة وبمواضيع منوعة
واحلى اخت واحلى رنا موفقة عزيزتي واذا خطر على بالك اي شي تاني انا جاهز يعني مو شرط الواحد يسال مرة وحدة بس

[رياض]

الحمدالله طمنتنا عنك
رح اسالك سؤالين صغار
في مواضيعك وبالرد على المواضيع تستعمل اسلوب ساخر او فرح
ما هو اصح الاساليب برايك ليوصل شخص فكرته للاخرين
بتحكي كتير عن وزنك هل عانيت من مشكلة بسببو او مريت بموقف حلو بسبب وزنك
شكرا الك وناطرين رجعتك بالسرعة الممكنة

[رياض]

اخ عاشق الاجوبة كلها يوم الجمعة مساء
بتمنى ما تجاوب على كل عضو لوحدو انتظر حتى يخلصو الاسئلة الكل وبعدين الجمعة انت جاوبك
شكرا الك لازم تقرا المقدمة
هههههههههههههه

[عاشق البرازيل]

بحب قووول لادارة الموقع اني انا ضيف الاسبوع وبالتالي رح انسال اسئلة ولازم جاوب على هالاسئلة وبالتالي سواء جاوبت هلا او مسا يوم الجمعة بعتقد نفس النتيجة وبالعكس ممكن بجوابي السريع ارجع اعطي فرصة تانية للشخص اللي بيسال ليسال من جديد وبعتقد بهالشكل انا ماعم اعمل شوربة للموضوع وكنت بحب لو يتم تقدير وضعي بشكل اكتر جدية وبالنهاية انا بعرف شو الصح وشو الغلط وانا رح ضل جاوب بشكل طبيعي واذا هالشي بتشوفوه شوووربة للموضوع ارجو اعفائي وحذف كل اجوبتي

[رياض]

في شرو ط لازم تتبعها اخ عاشق وما في داعي تخربط الموضوع
الاسئلة من التلاتاء للجمعة الصبح
والاجوبة يوم الجمعة بعد الظهر لو سمحت
سبت ـ أحد ـ أثنين .....ترشيح الاسماء
ثلاثاء ـ أربعاء ـ خميس ـ الجمعة ...... طرح الاسئلة من قبل اعضاء المنتدى على العضو المرشح
نهاية يوم الجمعة...... الاجابة على الاسئلة من قبل العضو المرشح.
باقي الأيام ..... التعقيب على أجوبة العضو المرشح

[عاشق البرازيل]

اخي رياض على فكرة انا كتبت ردي السابق كرد على رسالة خاصة من احد المشرفين وليس كرد عليك لاني وقت كتبت الرد ماكنت شايف ردك انت وانا هلا مارح جاوب على اي سؤال ورح انتظر لمساء يوم الجمعة ولكن اذا لم تسنح لي فرصة الرد على الاسئلة بسبب ظروووف عملي بتمنى سلفا من الاعضاء مايزعلو مني وانا ولحرصي على الرد على الجميع وقتها رح اكتفي بالرد على كل شخص برسالة خاصة وكنت بالفعل بتمنى تقدير ولو خفيف لظروفي الصعبة كتيرررر

بعتذر من الادارة لاني بالفعل غلطان لعدم معرفتي بقانون الرد على الموضوع

[om-George]

يلا اجى دوري
مساء الخير اخي الغالي او العز
شو هي اجمل لحظات حياتك
الحياة دائما مليئة بالمفاجئات
شو هي المفاجا المفرحة لك
شو المتل الي بيعجبك وبتحب تتبعه
الواقع اجمل ولا اللاحلام ولماذا
لو احترت بامر ما رايي من تستشير
شو بعنيلك السماء بليلها ونهارها


يسلمو للاجابة سلفا

[شقاء الحب]

منور اخ ابو عز بضيف الأسبوع
انا سؤالي بسيط ألي هوي

ليش بتحب البرازيل؟

ـــــــــــــــــــــــــــــــــــــــــــــــــــــــــــــــــــــــــــــ
شكرا لك ايها رب يسوع

[MiChAeL_dA]

أخي أبو العز منور بوجودك ضيف للأسبوع ....
وسؤالي هو :

هل تفهم الناس من حولك بطريقة خاطئة ؟؟ أم كما يحلو لك ؟؟
هل تعامل الناس أو ترد على الناس بنفس الطريقة التي يحدثوك بها ؟؟ أم تستخدم طريقة مغايرة تماماً ؟؟ وما هي هذه الطريقة

أتمنى أن تتفهم قصدي تماماً ....
شكرا

[ROBER]

احلا تحية لابو العز كيفك كيف معنو ياتك انشالله بخير
مع ايا منتخب بتحب تابع البرازيل هوة عم يلعب او ليش؟
مين الاعب البرازيلي المميز عندك؟
شو رايك بصداقة؟
او شكرا الك عاشق البرازيل

[عاشق البرازيل]

[align=right]العزيزة رنا
اهلا فيكي امورتنا رنا بعدين خيتووو مافي داعي للشكر بالعكس الشكر مني الكن انتو لانكن عطيتوني هالفرصة وبوعدم استغللها اكبر استغلال وخللي الكل يعرف ابو العز من خلال هالاسطر اللي رح خلليها تختصر كتاب حياتي
عزيزتي رنا بالنسبة للتقاليد بالمجتمع السوري مامنقدر نحصر اساسها لمجتمع معين لانو معروف بسوريا انو تعاقبت عليها حضارات مختلفة من مختلف الشعوب كالرومان والفرس والاشوريين والمماليك والعرب القادمين من الجزيرة والاتراك واخر شي فرنسا
وبالتالي صدقيني عاداتنا وتقاليدنا هي نتاج مشترك من اغلب هالحضارات وشي طبيعي انو لكل عصر وزمان تقاليد قد تصلح بزمننا هاد واخرى لاتصلح بهالزمن مثلا انا مو ممكن عامل البنت متل ماكانو يعاملوها من مية سنة بس في عندك مثلا احترام الاب والام هاد المفروض يستمر طول العمر وعندك الاهم عندي كلمة الشرف هي شغلة كبيرة انا بالفعل بحب اي شخص وهاصة الشب يرتبط بكلمتو وتكون هي عقد موثق هاد شي كتير كبير عندي
اما بالنسبة للتقاليد عند الغرب فانا بقوول انو ضروري ناخد من الغرب كل شي منيح ونترك اللي مو منيح لانو حتى الغرب بذاهن اخدو مننا كتير من زمان ومشان هيك تطوروا وانا بجد بستغرب من الاشخاص اللي بطالبو اننو مانتفاعل مع اي شي بجينا من الغرب رح اعطيكي مثل واحد
امريكا دولة عظمى عم تعمل حروب وعم تعمل بلبلة بكل دول العالم بس شو رايكن بالابحاث الطبية اللي بيعملوها مراكز البحث بامريكا ياترى مو حلو نستفيد منها ولا لا مو لازم هالشي على اعتبار انو امريكا دولة معتدية
يعني بالفعل الامر بالنهاية نسبي عزيزتي رنا انتي سورية وحلو تحافظي على العادات الحلوة اللي عنا وتطبقيها بالسويد بس مو غلط تاخدي من من السويديين الشي اللي بتشوفيه حلو ومنيح
بعرف رح تقولي عني شوووو مفلسف هههههههههههه رح قللك صح لانو انا بزمانوووو علمت الفلسفة لافلاطون وارسطو ايام شبابي ههههههههههه
الموضوع طويل كتير رنوووش وصعب نحكي عنو برسالة وحدة واكيد مع الايام رح نبحث فيه كتير
ولو عزيزتي رنا كلنا على حسابك خيتووو بعدين شو تقلتي علينا ماانا بالاساس تقيل وخالص من الاول هههههههههههههههه
رجعتي قريبة كتيرررررر ورح تكوون رجعة مميزة وبمواضيع منوعة
واحلى اخت واحلى رنا موفقة عزيزتي واذا خطر على بالك اي شي تاني انا جاهز يعني مو شرط الواحد يسال مرة وحدة بس

الاخ سام جوني
اهلا فيك اخي منور وبالنسبة لسؤالك عن الامنية اللي بحب تحقيقها فهي وبكل صراحة مافي امنية بحياتي حابب حققها حاليا ومابعرف اذا بعد فترة كلامي رح يتغير من زمان كان الي كتير اماني حققت قسم منها والقسم التاني رااااح بالهوا يعني بالمختصر الشي المهم بحياتي حققتو او ضاع مني ومشان هيك ماعدت اسال على شي
اما عن الكتابة عن الحب فاكيد شي حلو كتير وخاصة اللي عندو القدرة على التعبير عنو بالكتابة انا مثلا مابعرف اكتب خواطر واشعار عن الحب بس كنت عبر عن هالشي بالافعال واللي غالبا كانت جنونية ههههههههههههه
اما بشان ابدال منتدى الشباب بالحب فانا اكيد مابوافقك الراي لسبب وجيه انو لما نقووول منتدى الشباب منكون عم نعالج فيه امور ومشاكل الشباب الكتيرة والمتنوعة وحتى منحكي فيها عن حياتنا وسبل انجاحها وطبعا احد اهم مواضيع الشباب هي الحب وبالتالي الحب جزء من المنتدى ولكن لايمنع ايجاد منتدى للخواطر والتاملات في الحب بعيد عن منتدى الشباب طبعا
اخي انا حبيت مرة وحدة بس كانت من سوريا بس من محافظة تانية وبقدر اكدلك اني تعذبت كتير فكيف اذا كانت من براة سوريا اكيد شي صعب بس اذا وصار ووجد هيك حب ليش لا منك شوي ومنها شوي مافي شي مستحيل مع الحب طبعا بشرط انو نعمل العقل مع القلب بحبنا لحتى يكون ناجح وينتهي بالزواج اللي هو ثمرة الحب الحقيقية
الاخت الغالية نهرين
هلا وسهلا اخي ابو العز في ضيف الاسبوع نور بوجودك
اهلا فيكي عزيزتي نهرين النور نورك ونور الموجودين مع العلم اني بعرف اني منور كتير وكهربتي دايما بتوصل 220 فولط ههههههه
تعرف اخي انت دخلت قلوب اعضاء قنشرين بسرعة كبيرة
لنشاطك الملحوظ في المنتدى بارك الرب حياتك ونتمنى لك الموفقية والنجاح
عزيزتي هاد من ذووووقك وبتمنى بالفعل يكون هالشي صحيح وطبعا هالشي مو من فراغ بالعكس الله عطاني ميزة حسن القبووول ومتل مابقولو الله بياخد من محل وبيعطي غير محل

1- دراستك، وهواياتك ؟
انا خريج معهد متوسط طبي قسم المخابر والتحاليل الدموية لكن بعد مااتخرجت ومع اني كنت بحب دراستي كتير اتجهت للعمل الخاص وصار عندي محل مكتبة والعاب وهداايا
اما عن هواياتي فبالدرجة الاولى السباحة بالرغم من اني انحرمت من ممارستها من17 سنة ولكن بالفعل مازالت بدمي وخاصة اني كنت بلعب بنادي وطبعا كمان من زمان كنت العب كرة قدم وكمان تركتها من 17 سنة وبتذكر انو عملت مباراة اعتزال حضرها كبار نجوم اللعبة وعلى راسهم النجم الكبير بكري القشطة ههههههههههه وهوايتي الحالية اكيد هي الدخول وبقوة الى عالم النت
2- ما هي اهم الاشياء في نظرك يجب ان تتوفر في شخصية اي انسان
ليكون ناجح في حياته ويكون مقبولا من قبل الجميع ؟
الثقة بالنفس شي مهم كتير ولازم دايما نكون طموحين للارتقاء لاعلى المراتب ومانخللي شي يوقفنا
3 - كيف تنظر الى شباب اليوم بصورة عامة؟
انا على عكس كتيرين من الناس بلاقي بشباب هالايام نشاط كبير وعقل كبير لدرجة انو بخاف عليهن من عقلهم هاد بس كل القصة انو لازم يكون في مين يرسم الطريق الصح لهالشباب لحتى مايستغلو قدراتهم الكبيرة بطريق مو منيح
4 - ماهو الحلم الذي تحلم به دائما وتحب ان يتحقق في حياتك؟
حكيت لسام جوني اني مافي أي امنية حاليا طالب حققها لانو امنياتي حققت معظمها والقسم التاني منها تبخر بالهوا بس لايخلو الامر انو بطمح ولو بشكل خفيف بشوية استقرار بحياتي ودايما بطلب من الله هالشي بس الله بحبني كتير ومشان هيك مابيتركني هههههههههههههه واللي ببضحكني مرة قلتلو لكاهن عنا خيووو ابونا ليش هيك بصير معي قام قللي ياابني انت لازم تنبسط لانو الله عم يجربك والله مابجرب غير اللي بحبو قلتللو ابونا بس مو شايف عم يجربني كتير قللي لك مشان هيك لازم تشوف حااالك لانو هو بحبك كتير قلتلو لك خيوووو بالفعل من الحب ماقتل هههههههههههههه لك خيوووو خلليه يحبني شوي بس مو يتشعبط فيني هالقد انا نازيك مابتحمل هههههههههههههههههههههههه بقى ياستي مابدي غير اني ارتاح ليرتاح بالي ويرتاحو اهلي كمان لانو هن الوحيدين اللي بيتعذبو معي
مشان الله لاحدا يدمع عيونو لانو ماعننا محارم كتيرة ههههههههههههههه
5 - ما هي مواصفات فتاة احلامك اخ ابو العز؟
من انا وصغير ماكنت بحط مواصفات معينة بس كنت قوول دايما اول ماحس حالي حبيت هي اللي رح تكون فتاة احلامي وبعرف رح تقولو معناها بالمراهقة الواحد بحب 1978 مرة ههههههههههانا بالفعل من صغري كلمة الحب عندي اياها كبيرة وبالفعل ماعرفت الحب الا من سنتين وشوي ووقتها عرفت انو هالانسانة هي فتاة احلامي هههههههههههه وبالفعل متل الافلام كانت صبية بتجنن بكل شي جمال واخلاق وروح حلوة يعني كانت احلى هدية الله بيعطيني اياها بس للاسف غار مني ورجع اخدها من جديد ههههههههههههههههههههههه
6 - حكمتك المفضلة في الحياة ؟ وهل تطبقها دائما؟
الحب اروع مافي الوجود وانشالله كون دايما مصدر حب لكل اللي بيعرفوني
7 - كل انسان يستمد قوته من شخص في حالات يكون فيها الانسان ضعيف ويشعر بالكاّبة ، من هو الشخص الذي تستمد قوتك منه؟
بصراحة وبدون غرور مابستمد قوتي غير من حالي
كل ماحس حالي كئيب وتعبان بفكر بالشي اللي مر علي وبقووول رغم كل هالاشياء اللي بتهد جبال بعدك عم تتنفس يلا ابو العز ارجع قوي متل مابعرفك
8 - ما هي الكلمة اللي تحب توجهها الى اعضاء قنشرين؟
انا بتمنى التوفيق والازدهااار لموقع قنشرين وهالشي مابصير غير بجهود اعضائنا الكرام
وبحب قوووول انو انا من النوووع اللي مابفضل المنتديات الجامدة وبفضل المنتديات اللي بسودها طابع الاخوة والمحبة والروح الوحدة بين الاعضاء يعني نحس ببعضنا كانو كل شخص فرد من عائلتنا الكبيرة وبجد من قلبي بتمنى يكون شعرنا
نلتقي لنرتقي وعلى جميع الاصعدة

9 - قلي بصراحة اذا كنت ازعجتك بأسئلتي الطويلة

اي سؤال يحرجك لا تجاوب عليه اخي
بالعكس عزيزتي لاازعجتيني ولا أي شي وكنت بتمنى تسالي اكتر من هيك ماشايفتيني كرار ولساني مابيدخل حلقي ههههههههههههههه
وانا صدقيني مافي شي بخجل احكي فيه ابدا لانو انا هيك وشو ماعملت رح ضل هيك وبالتالي اعرفوني متل ماانا
مشكووورة احلى نهرين
امورتنا تالين
هاي اخ عاشق برازيل
هاااي ورحمة الله وبركاتو احلى تالين
1_اهتماماتك
عزيزتي حاليا اهتمامي الاول والاخير شغلنين شغلي وصحتي
2_اللغتك المفضلة
لغتي المفضلة العربية لانو هي لغة حياتي وبحب لغتي الام السرياني واكيد بحكي انكليزي منيح وبفهم ارمني خفيف كتير ونفس الشي التركي والكردي هههههههههههههههههههه مسبع كارااااات
3_برايك شو الفرق بين اليوم وبين السنة بين 1950 او بستينات
تالين ياملاكي انا مواليدي 1979 يعني كيف بدك احكيلك عن ايام الخمسينات والستينات ههههههههههههههههههههههههه مشان الله قوليلي انتي مفكرتيني كبير ولي على حظي بس مع هيك رح قللك انو بهدا الوقت بعتقد كانت الحباة اقل تعقيد وهلا بالفعل صارت الحياة خليط من التعقيد وطبعا اذا الاكبر مني بيقدر يفيدك اكتر ياريت يجاوبك على هالسؤال
4_ليش اخترت اسم عاشق برازيل بموقع قنشرين؟ اكيد هلا من اسم انا اكيد فهمت لكن في اسباب تانية
عزيزتي تالين بالفعل هيك لاشعوريا اول مرة بدخل فيها عالنت دخلت عالدردشة وضليت خنس دقايق فكر باي اسم ادخل واخترت هالاسم بالنهاية و ضليت ادخل فيه باي مكان ادخلو لحتى صاار اسم عاشق البرازيل مقترن فيني وصرت معروف فيه باكبر المواقع ولو اني مابخفيكي من مدة شهووور لغيت اسم عاشق البرازيل من حياتي وبدلتو لاسم السفااح بس مابعرف لما سجلت هوون قلت رح ارجع سجل باسمي القديم وبعرف رح تستغربو من اسم السفاح بس بالفعل وقتها اضطريت سمي حالي بهداك الاسم ولازال علي بس مو متل مارح تفهمو ه لاني انا خلليت اسمي الجديد كمان قوي كتير وصرت وبكل تواضع السفاح بس سفاح القلووووووب طبعا
يعني انا الي اسمين السفاح وعاشق البرازيل وعلى فكرة انا اخترت البرازيل مو بس من مبدا كرة القدم وبس انما البرازيل ككل جمالطبيعتها وشواظئها وجمال بناتها وريحة قهوتها
5_الاشياء الى كنت تتمنهاها وماتحققت لاهلا شو هي؟ وهل تركض ورة احامك
كتير اشياء تمنيتها وماتحققت ولارح تتححقق ابدا مع اني باكدلم اني ركضت وراحا منيح وضليت متمسك فيها باسناني متل مابقولو بس نصيبي رح يصيبني مافي مجال
حلمي الاول والاخير كان الزواج راااح للابد لانو انا مابرتبط غير بالانسانة اللي حبيتها وهالانسانة راحت وبالتالي قضت على حلمي بالزواج
6_البلد الي بتحسوا بلدك التانية؟؟
بكل صراحة البرازيل بحبها وبعشقها كتير وبحب كل شي فيها متل ماحكيت من شوي
7_بتحب اي نوع من المو سيقى؟ مع انى لقيت انك ابتسمع بول وبتفهموا لمة بيغني؟
بالفعل عزيزتي انا بسمع ارمني كتير لبووول وناظوووو ولكوميداس
وبسنع عربي الاغاني الحلوة اللي بتطلع بالاضافة الى جورج ورسوووف ومابحب اسمع اغاني ام كلثوم ولا عبد الحليم غير بصوتو هو
وبسمع اجنبي ولكن بفض دايما اغاني الثمانينات والسبعينات بالاضافة الى الميوزيك المنوع امثال ريتشارد كلايدرمان وياني والياس الرحباني
طبعا هالشي كللو نتاج اني درست موسيقا ومشان هيك الممت بكل الاشياء وطبعا دراستي كانت عالاورغ بس للاسف الي خمس سنين ماقاعد ورا اورغ او بيانو
8_وشو الاشياء الي بيخليك اتطير من الفرح (لكن من فرح الحقيقي)
ابتسامة ولد صغير من بعد ماكان بيبكي يعني ضحكة حلوة مع دمعة عالوش بجد بطير من الفرح لهيك منظر
9_امنيتك للحياة ؟؟
مارح ارجع عيد وكرر ومارح قووول غير اني بتمنى الخير والسعادة لكل انسان عرفني لحتى يقولو عني وش خير ههههههههههههههههههه
مشكورة على اسئلتك الحلوة ياملاكي وانشالله كون رديت ووفيت
الاخ رياض

في مواضيعك وبالرد على المواضيع تستعمل اسلوب ساخر او فرح
ما هو اصح الاساليب برايك ليوصل شخص فكرته للاخرين
اخي رياض انا بطبعي بحب الضحكة ترتسم عالوش سبحان الله الله هيك خلقني
انا اذا بدي اكبي رد او موضوع بفكرة معينة وهالفكرة رح توصل للعضو شو عليه اذا وصات مع ضحكة خفيفة بعتقد بتكون احلى وطبعا انا مابحب لفظة السخرية وبحب استبدلها بالضحكة واكبر دليل اني لما بحط وجبات بمنتدى الطهي بالفعل انا بكون عم قدم وجبات نظامية بس باسلوب حلو وخفيف ومضحك بس طبعا لايخلو الامر بمواضيع تانية ممكن كتير تشوفني جدي كتيررر وحربجي ههههههههههه يعني خلاصتو كل شي والو وقتو
بتحكي كتير عن وزنك هل عانيت من مشكلة بسببو او مريت بموقف حلو بسبب وزنك
ليك اذا بقللك مامريت بمشكلة بسببو بكون كذااااب انا انني بحكي كتير عن وزني لاني تعلمت مااحجل بايشي بحياتي ومابحكي عنو طبعا الا بشكل مزح وهلا بالنسبة لموقف حلو من وراه فانا بعترف انو يااخي بخللي الواحد ذوو هيبة كبيرة ووجاهة غير شكل ههههههههههههههههه طبعا بمزح وبجد السمنة مرض مو طبيعي لكن اللي بحز بنفسي انو هالمرض اجاني بسبب بتناول ادوية بسبب حادث سير قوي يعني الموضوع كللو كان غصبا عني وتحديدا الكورتيزووون هو السبب وانا تناولتو لمدة سنين وبالتحديد 9 سنين بالاضافة الى انو قعدت بالبيت بشكل متواصل سنة وشوي من دون ماانزل غير على مراجعاتي الطبية ومع كل هالشي رح قووول نشكر الله على كل شي
شكرا الك وناطرين رجعتك بالسرعة الممكنة
مشكووور زعيم وانشالله بدعواتكن الي بتكون رجعتي قريبة وقوية متل ماتعودتو علي

ام جوووورج الورد
مساء الخير اخي الغالي ابو العز
مسا الورد والفل والياسمين معطر باريج الريحان لام جورج الورد

شو هي اجمل لحظات حياتك
ياعزيزتي بالفعل اجمل اللحظات هي اللحظات اللي كمنت قضيها وانا عم احكي مع الحبيبة بالفعل بحس حالو الواحد بدنيا وعالم تاني
الحياة دائما مليئة بالمفاجئات
شو هي المفاجا المفرحة لك
لحظة ماخبرني والدي وقللي لاتدور على شغل خلص روح شوف المحل اللي بتحبو لاشتريلك اياه وتفتحو المشروع اللي بدك اياه ببالفعل كانت احلى مفاجاة بحياتي
شو المتل الي بيعجبك وبتحب تتبعه
طوبى للانقياء القلب لانهم يعاينون الله
الواقع اجمل ولا اللاحلام ولماذا
اكيد الاحلام احلى واجمل لانو بتشكل عالمي المثالي لكن اكيد انا بنفس الوقت انسان واقعي
لو احترت بامر ما رايي من تستشير
بستشير اغلب رفقاتي وبشوف ارائهن المختلفة وبقارنها مع رايي انا بس لاتضحكي علي عالاغلب مابعمل غير رايي ههههههههههههههههههه
شو بعنيلك السماء بليلها ونهارها
السما هي الشي الوحيد اللي بحب شوفو لريح عيوني وبالي وفكري
بالنها ر بشووووف احلى لون ازرق وبشوف الصفاء الكامل اما بالليل فانا من جماعة اللي بيقضو ساعات وهن بيطلعو عالسنا ومتل ماقلت بحس براحة لروحي طبعا مابعد النجوووم ههههههههبس بجد منظر السواد اللي بيتخللو النقاط المضيئة منظر ولا اروع وخاصة انو بتكون بشكل غير منتظم
مشكوورة ياغالية اتمنى التوفيق الك ولعائلتك الكريمة
شفاء الحب
اهلا فيك اخي انا رح قللك ليش بحب البرازيل
من انا وصغير كنت بلعب كرة القدم بس انا مااكتفيت بهالشي وبالرغم من صغر عمري كنت تابع المباريات مع ابي عالتلفزيون وبكاس العالم 86 كان عمري سبع سنين وتابعت مباريات البرازيل كاملا ومافي داعي احكي عن اسلوب اللعب الجميل اللي ميزهن عن باقي فرق العالم وبنفس العمر مرة شفت برنامج لعدنان بوظو بيحكي عن منخب البرازيل سنة 1982 وشفت وقتها بالفعل منتحب السحرة والمهرة وكبرت من بعدها وكبر حب هالفريق بقلبي وصرت اخد كتب ابي من مكتبتو وصرت اعرف اكتر واكتر عنهم
عرفت عنهم ولعم الكبير بكرة القدم لدرجة لا تصدق ويحكى انو مرة كان في شخصية سياسية كبيرة بتزور البرازيل وسال رئيس البرازيل عن اللعبة الشعبية رقم واحد بالبرازيل فقللو كرة السلة ورجع سالو شو قللو متل ماعم قللك كرة السلة فاستغرب هالشخص وقللو لكن كرة القدم شو وضعها فقللو رئيس البرازيل كرة القدم هي دين وروح ومبعث الحياة في البرازيل وهي اكبر من انو نطلق عليها لعبة !!!!
اذا بحكي عن البرازيل صدقني بكتبلك عشرين صفحة ومن دون كلل او ملل
البرازيل هي الشمس اللتي ام تغب عن كؤوس العالم
البرازيل هو ذاك المنتخب الاسطووري سنة 1970 اللي حطم سفن جميع المنتخبات وبلا رحمة
البرازيل هو ذالك النتخب الاستعراضي القوي عام 1982 اللذي عندما ودع كاس العالم لم يقولو انا البرازيل خسرت الكاس قالو كاس العالم هي اللتي خسرت البرازيل
البرازيل خلقت لتصنع الابطال والنجووم وليصبح هؤلاء النجوم مصدر در الاموال لاكبر الاندية
البرازيل بكل صراحة عشقي وروحي وطموحي ان انال شرف اخذ الجنسية البرازيلية بالمستقبل لاتمتع بجمال هالبلد وجمال شواطئو وجمال بناتو وكل شي فيه واذا الله بحبني بيعطيني هالامل
حكيتللك بشكل مختصر جدا عن البرازيل شو رايك ؟؟؟؟؟
ابو الميش
هل تفهم الناس من حولك بطريقة خاطئة ؟؟ أم كما يحلو لك ؟؟
بصراحة بحاول قدر الامكان افهم اللي مقابيلي صح وانشالله دائما افهم صح ولكن انا بالنهاية من البشر وطبيعي احيانا افهم الشخص خطا وهالشي بعود الى اوضاعي اللي بمر فيها واحيانا ممكن كون عصبي شوي لكن بالنهاية انا بحس بغلطي فورا ومو غلط اذا اعتذرت عن غلطي وانا كرمال سؤالك هلا وقدام اعضاء قنشرين جميعا بقدملك اعتذاري الشديد ميشيل الك وللاخ رياض عن سوء التفاهم البسيط اللي صار وبرجع بقووول كل القصة انو ضغطك الشغل اللي فوق راسي كان السبب وبعتقد ميشيل انت جيت عندي عالمحل ولمست هالموضوع بعينك بتمنى تقبل اعتذاري

روبير
وهلا منجي لرفيقي روبير وبقللو متل مابتعرفني معنوياتي دايما عال العال انشالله
مع ايا منتخب بتحب تابع البرازيل هوة عم يلعب او ليش؟
بصراحة من يومها معروفة انو لعبة الابطال هي وقت اللي بتلعب البرازيل مع المانيا لانو بالفعل الفريقين كبار والفريقين مابيشبهو بعضهن باي شي فشووو مستني اكيد رح نشوووف ملحمة كروية رائعة
مين الاعب البرازيلي المميز عندك؟
اللاعب المميز عندي وعند معظم لاعبي البرازيل ويكاد يكون ملهم الجميع على حب الكرة هو اسطورة كرة القدم بالعالم هو الملك الاوحد هو السا حر والممتع
بيليه
شو رايك بصداقة؟
الصداقة كلمة كبيرة كتير لانو صديقي هو روحي لابل يمكن يحميني اكتر من روحي حتى وانا بقووول انو الصداقة مازالت موجودة بس عالانسان انو يدور منيح ورح يلاقي
مشكوور ابو الرور الكينغ


اخيرا
بشكر كل اللي شرفني باسئلتو الي وبتمنى كون رديت بشكل يرضي ضميري وكنت مستني اسئلة من باقي الاعضاء بس معلش وعسى ان يكون المانع خيرا والايام جاية
مشكورين جميعا اعضاء وادارة الموقع
اخوكم الصغير قدرا بينكم الكبير بمحبتو والكبير بحجمو هههههههههههه
ابو العز [/align]

[رياض]

شكرا الك ابو العز على اجوبتك الرائعة واللي بتدل على شخص يحمل في قلبه الكثير من الطيبة والحنان ويحاول ان ينقل البسمة التي هو بحاجة لها لمن حوله
اما عن اعتذارك حين تخطئ فهذا يدل على جراتك وقوتك والانسان الذي يعتذر عن الخطا هو الانسان الجيد
وعن المرض اتمنى لك الشفاء والراحة
بالتوفيق ابو العز

[MiChAeL_dA]

أخي أبو العز شكرا الك لإجاباتك الصريحة ... بالفعل لمست من خلال اجاباتك أنك شخص موزون قلبك طيب ... شخصيتك قوية بالفعل ..
مارح قول أكتر من هيك ... انا بعرفك من قبل ... يعني ما في شي جديد عليي ..
شكرا الك مرة تانية .. وبتمنالك الصحة والعافية دايماً ... الله يوفقك ويعطيك على قد نيتك وأكتر.... سوري منك مشان السؤال الثاني
وانشالله بتتحقق كل أمانيك .... وموفق بحياتك بكل النواحي

أخوك ميشيل ...

[ROBER]

شكرا الك ابو العز على صراحتك
او بتمنالك حياة حلوة وانشالله موفق
صديقك روبير