ضيف الأسبوع الثاني والثلاثين والأخير / Om-George

اخي رياض انا عندي اليوم سبت ومبارحة جمعة يعني طول الوقت اكتر ما بتصصور كنت مشغولة وكمان شوية مريضة

ليكني جاية ركض ههه

نبدا

اسئلة الاخ الغالي رياض

من كم سنة مغتربة
الي تقريبا 15 سنة مغتربة 6 سنين في دبي والبقية في امريكا

ما المصاعب التي تعترضك فيها
الوحدة ككل اذ كان عمل زوجي السفر اكثر من 10 الى 15 يوم شهريا

هل تعملين
اعمل بارت تايم دوام حسب ما بدي كمندوبة لشركة ايفون التجميلية

ما رايك بعمل المراة وهل هو ضرورة ام اثبات ذات
عمل المراة حسب ظروف الحياة واحتياجاتها وقناعتها
كل شي اوفق عليه متلا ائبات الذات او العمل للتحسين الدخل الا اني لا اوافق ان يكون على حساب عيلتها او زوجها
فان استطاعت التوفيق بينهم فلتعمل او تجلس تراعي البيت والاولاد على الاقل اول خمس سنين من عمرهم وخاصة لو كانت بالغربة
ترك الاطفال للمربية فكرة انا ضدها بالمرة

شكرا لك اخي رياض

أخت أم جورج ما رأيك بقنشرين وكيف تعرفت عليه ؟؟؟؟؟؟؟
الحقيقة اني تعرفت عليه بالصدفة
امارايي فيه
هو موقع متكامل يعنى بشؤن كتير مواضيعه جدا متنوعة والاشراف عليه واضح جدا على وخوف الاعضاء على الموقع يجعلهم يشرفون على نفسهم ويختارون مواضيع قيمة و مفيدة للارداجها كي يستفاد الجميع هي فهلا عيلة

كيف تعرفت عليه بالصدفة من موقع جوجل

شكرا لك كبرئيل

الاخت الغالية رنا
سؤالي شو هي الاشياء اللي حققتيها بالغربة و بتظني انه ما كان بالامكان انك تحققيها بارض الوطن.

شخصيتي تبلورت واعتمدت على نفسي اكتر بحيث كنت بعيش بالايام لوحدي
تعلمت اسوق سيارة وقاومت مخاوف كثيرة وخاصة لما كنت بنام لوحدي وممكن باي وقت حدى يدق الباب علييكنت بخاف وبنفس الوقت بشجع حالي
هيدا كان في دبي
اما في امريكا بعد ما وصل ابني الزغير الى سن الخامسة بدات بتجديد الدراسة من لغة حتى تتقوى عندي الكتابة والاملاء الى الجامعة بحيث صار عندي احلام جديدة والحمد الله جزء منها بدا يتحقق
وبظن ببلدنا صعب كتير الوحدة منا بعد الزواج والولاد تدخل جامعة شكلها بيصير غريب
لكن هنا في حتى ناس اعمارهن تجاوزت الستين ولسى لهم احلام مصرين لعى تحقيقها
فقررت كون متلهم

شكرا اختي الغالية

اهلا بك اخي اشور
إذا خيروكي اختنا ان تسألي الأعضاء التالية اسماءهم سؤال واحد على الماشي فما هي الاسئلة الممكن ان تسأليها لهم ..

1 - الأخت ماري شو هي المواضيع الي بتشدك اوتتمني تواجد مواضيع اكتر منها

2- الأخ ميشيل اكتر اللحظات الي بتخليك فخور بنفسك

3- الأخت نهرين ما هي اجمل ما في الحياة

4- الأخ رياض بحس اوقات كتيرة ان قرارت كتير حكيمة ممكن نعرف سر هل الحكمة

5- الأخت رولا مااجمل ما في الغربة جعلتكي تستحمليها

6- الأخ مار بولا كيف ترى المراة في مجتمعنا الشرقي

7- الأخت ريتا ماذا ينقصنا في قنشرين وبصراحة

8- الأخ البير كمشرف شو هي الصعوبات الي بتلاقاها في المنتدى

9- الأخت راما كيف بتواجهي انتقادات الناس السلبية لك

10- الأخ الدكتور فيليب احيانا الغربة بتصنع منا ناس ناجحين برايك على عكس احيانا التعب الي بتشوفوا لما بتكون زوجتك مسافرة شو هي النجاحات الي وصلتلها وما كنت ممكن توصلها وان بالبلد وليش

11- الأخت رنا اوقات بحس انك بتكتبي خواطر جميلة جدا فهل بتفكري تكتبي اكتر وتنمي موهبتك اكتر واكتر

12- الأخ كبرئيل شو السبب الحقيق لترك المنتدى

13آشور ..ارى ان ميولك الادبية جميلة وخاصة بطريقة الشخرية اخرها حمزة ههه
شو رايك تكتبلنا كل فترة قصيدة وحابة اعرف من وين لك هل موهبة.

شكرا لك اخي اشور

touni
تعذبتي باللغة اول ما سافرتي
و شو اجمل لحظات يلي بتحسي فيها
و بتحني كتير لوطنك بصراحة

اهلا بك وباسئلتك اخي الغالي
يعني في دبي ما تعبت كتير لانو كان في عربي وانكلش
بس كنت عم حاول اتعلم لانو المدارس عنا ما بتعلم المحادثة وهي اهم شي باللغة ممارسة المحادثة
وبامريكا تعلمت اكتر واتعمدت على حالي مع انو اغلب جيراني ارمن وممكن اتسوق واسال بالارمني كل شي

اما عن حنيني لوطني ما بنوصف يعني كانك عم تسال بتننفسي كل يوم
زكرياتي الي فيها
مدرستي
شارع الي بسكن فيه
كنيستي
صوات العصافير
الناس الي راكضة ورا رزقتها
رفقاتي ايام الدراسة وايام الكشافة وكيف كنا ننظم بالكنيسة ونعزف بالمناسبات
ملوفونيات والملفونيتوتات ما بعرف لو الجمع صح
كل مرحلة طفولتي تركتها ورايي
والسنة بس لما نزلت قدرت جيب معي شوية صور اكيد ما بتعوضني بس بضلها بزاكرتي
اصدقاء الكشافة الي كبرو الي صار طبيب اسنان والي صار مهندس الي سافر والي تزوج والي ووالي
ما بقدر الك حسيت حالي لما شفت الصور انو رجعت 20 سنة لورا

بحن كتير لوطني واكتر لحيي واكتر اكتر للاهل والاصدقاء

شكرا لك

هلا قمر حبيبتي
كيف كان سفرك لا الغربة سفري للغربة بدات لما تزوجت بس على اساس رح نضل بين دبي وسوريا مشروع امريكا طلع بالاخر

كام سنة صالك مزوجة الي 15 سنة الحمد لله

وكام ولد عندك عندي 3 قمرات 5 و8 و12 سنة

بتحبي البلد يالي عايشة فية مو كل شي بالبلد بحبو وخاصة انو في حريات غريبة الاشكال بتحاول تخرب وتتغلل الكنيسة واولاد الكنيسة وتخرب كل شي بتبنيه انتي بالبيتو وفي فكر الطفل

شو رائك في الغربة صعبة ولا مرة ولا جميلة شو هي عندك

الغربة بكل انواعها واشكالها مرارتها اكتر من حلاوتها بس لما بيكون هو اخر حل للحياة بتنسي كل المر وبتحطي ادام عينك اهداف معينة وبتمشي عليها

شكرا الك قمر

Abu Julian
من هو الرب في حياتك؟
الرب هو كل شي بحياتي
كل امتنناني له
كل احتياجاتي اطلبه منه
كل الاآمي هو من يخففه
كل ما اطلبه اجده
كل ذنوبي هو يغفره
يطهرني
كل يوم يعطيني فرصة جديدة للحياة
فرصة جديدة للاعتراف والتوبةو
فرصة جديدة للادعو الناس الى كنيسته
كل يوم يذكرني بحنيته وبعظمته وبوجوده معنا حتى ونحن بعاد عنه
هو من يجعلني قوية صابرة صامدة في المحن
هو من يذكرني يسمح لي بالتجارب وهو من يخرجني منها
هو من طيبته وحنيته اشعر دائما اني لا استحق حنانه ولا عطفه من كثرة خطاياي
الرب هو كل شي في حياتي
اعطاني اكتر مما استحق دائما بغناي او فقري يعطي ولن يتوقف عن العطاء ولن يتركني ابدا
هذا هو الرب ومازالت الكلمات لا تعطيه حقه

شكرا لك اخي الغالي ابو جوليان

اهلا بك اخي ميشيل

ما هو سبب هجرتك ؟؟؟ ولماذا اخترتي أميركا بالذات ؟؟
الهجرة اصلا ما كانت على البال بس لما عدنا لسوريا جنسية زوجي غير سوري حصل مشاكل بسبب الاقامة فاضرينا للهجرة
وتم اختيار اميركا مما تحمل من ايجابيات لمواطن امريكي لا تحمله اغلب البلدان سهولة المعيشة وفرص العمل وكمان اللغة غير انو كنا مخططين فترة اقل من هيك بس ربك ما اراد

هل تحبين العودة إلى ديارك والظروف لا تسمح لك ... أم تفضلين البقاء هناك ؟؟؟ ... أم لا تهتمين بين هنا وهناك الأمر سيان ؟؟؟
بالنسبة للعودة حاليا صارت صعبة
اولا تعودنا على رتم معين من الحياة
الاولاد مرتبطين بالمدرسة وعلاماتهم جيدة
تقريبا ما بيعرفوا يحكوا عربي بس بيعرفوا ارمني واكيد انكليزي
ولو حبيت غير مدارس اكيد اكيد رح اتعب وهني يتعبوا معي وكمان اختصاص الي بيشتغل فيه زوجي غير موجود اصلا بالبلاد العربية وكمان لاننسى انو من الاول ما عطوه اقامة
فالرجعة كتير صعبة بيجوز بالمستقبل يتغير ما بعرف

هل أنت مشتركة في منتديات أخرى ؟؟؟ ما الفرق ؟؟
مشتركة في بعض المنتديات الثقافية والادبية والفرق ان باقي المنتديات تعنى بالادب اكتر من مواضيع اخرى واما قنشرين تعنى بكتير مواضيع شاملة وغير هيك في اركان متل التعازي وكمان امانيات متل ارسال الورود او هدايا لمحافظات معينة ميزة ما شفتها باي موقع عربي
هنيئا لك قنشرين

اذا طلبت منك أن تصفي قنشرين بكلمة واحدة ماذا ستقولين ؟؟؟
قنشرين هي نافذة حية للحي الي ما تركته من ساعة ما دخلت المنتدى باخباره ومواضيعه وبكفي انو اغلب الي مسجلين فيه بيعرفوا بعض

شكرا لك اخي الغالي

اهلا بك اختي الغالية مارال

أحب أن أسأل هل تواجهين مشاكل أو متاعب في الغربة وخاصة في تربية أطفالك؟
وماهي المسؤلية التي يأخذ الأهل على عاتقهم بتنشة أولادهم تنشة صحيحة, وخاصة انت في بلد الأغتراب وهل تلعب المدارس و الاصدقاء دور في ذلك؟

اكيد في مشاكل وتختلف من عيلة لعيلة ومن طفل لطفل
الطفل العنيد غير الطفل الغير عنيد تربيته بتكون اسهل والطفل الي بيسال كتير غير الطفل الي ما بيسال كتير والخ
المشكلة انو في ا مريكا بسبب الجنسيات الكتيرة ما في تعليم ديني في المدارس وهيك كل واحد بيجيب معتقداتو معو للمدرسة وبيقارن اتخلافات دينه واعياده مع الاخرين وممنوع التفرقة والعنصرية في امور متل الدين والجنسيات والنوع وحتى اللون
لهيك بيكون خوفنا على اولادنا اكتر وتربيتنا صارمة اكتر واكتر وانتباهنا على كل شي ممكن الاطفال يقولوه بشكل عفوي بيكون له في بالنا مية معنى لحدما يوصلوا لسن معينة نقدر نعتمد عليهن بس حتى نوصل لهداك السن لازن نشتغل دبل وتربل كمان لننشئ ونربي بطريقة لا تنشق عن تربية الكنيسة وفيها مغروزة بعض اصولنا الشرقية
وخاصة الاصدقاء كتير مهم نعرف اهاليهم ونعرف كيف بفكرو وبعدين نشوف نسمح لهم بزيارات متبادلة او لا
لاسف احيانا بعض الاهالي بفهموا الحرية غلط وبترك الحبل على الاخر لكن نحن كشعب مسيحي او شرقي ما فينا نعيش على هل لاطريقة
وكمان ما فينا نقول لا لكل شي بحيث نخنق الطفل او الشاب
والمصيبة الاكبر هو الاعتدال والحكمة في الاعتدال وكمان الصبر وشرح كل كبيرة وصغيرة حتى يتكون فكرة عند اولادنا الصح من الغلط

شكرا لك حبيبتي

هلا حبيبتي راما
- من هو أقرب شخص لقلبك من المحيطين بك
للاسف المحيطين فيي قلة قليلة الي اثق بهم واغغلبهم من الكنيسة
لكن اقربهم زوجي لانه صديقي بنفس الوقت

- متى يكون الانسان غير محبوب من قبل الناس
الانسان الغير محبوب هو المغرور والاناني والذي لا يسمع للاحد ولا يجعل الرب اماه في معاملت للناس ويعمل ضد الرحمة وضد الانسانية وضد ما حذرنا ونهانى الرب منه
- كيف تكون السعادة بنظرك
السعادة بنظري هي القناعة بكل ما قسمه لنا الرب والنظر في ايجابيات ما اعطانا الله لنا وليس النظر في اشياء لا نمتلكها
مثل الشرنقة والصبيرة في متل اختي الغالية بعد الصبر ستخرج منها فراشة جميلة ووردة رائعة
لكن هذا لا يعني عدم السعي للافضل علينا ان نجتهد ونسعى ونترك الباقي على الله

شكرا لك عزيزتي

هلا بك اخي الغالي باتريوت

ام جورج بكلمات مممممممممم
هي الانسانة الحساسة الرقيقة التي تحب وتهتم للكل وتصلي للاجل الكل ترى ان الحياة لا تستحق ان نعيشها لنفسدها بل نعيشها لاننا نستحق العيش بمحبة وكرامة وبشكردائم

اهلا بك عزيزتي تالين
على فكرة اسمك على اسم اختي الغالية

امنيتك بالحياة
ان تختفي جميع انواع المعاناة بالعالم

شكرا لك حبيبتي

اهلا بك اخي الغالي عاشق البرازيل

ام جوروج الورد انا رح اسالك شو البلدان اللي عشتي فيها خلال سفرك لامريكا وياترى لو هلا رجعو خيروكي اي منها بتختاري لتعيشي

الحقيقة زرت بلاد كتيرة بس عشت ببلدين دبي وامريكا ولوخيروني برجع على دبي لانها بتجنن على عكس الحرارة والرطوبة المرتفعة فيها لكن اكيد اكيد هي قطعة جنة على الارض من التطورات والعمارات وكترة المشاريع الي فيها
اجمل سنين حياتي عشتها بدبي وبتمنى يكون الي فرصة وارجعلها

اسمك الحقيقي من اسماء القديسات

نعم اسمي الحقيقي اسم قديسة عرفت المسيح

كم لغة بتعرفي تحكي
بحكي عربي طبعا وارمني كتير منيح وصار عندي انكليزي منيح وبعرف تركي بس الي زمان ما استخدمتو بيجوز ناسية شوية

شكرا الك ابو العز

هلا بك اختي الحبيبة ماري

واسمحي لي ان اسالك كم سؤال ؟؟؟؟؟
1 - كيف تتعاملين مع العصبية ، وكيف يكون رد فعلك اثناءها ؟

اولا انا مش من الناس الي بتعصبو بسرعة بيجوز الغربة خلتني اتحمل اكتر واكتر
بتعامل مع العصبية بحكمة وبهدوء وحسب كل موقف بيكون عندي ردة فعل معينة
بحاول هدي الجو وبعد الهدوء يتم معرفة اسباب العصبية ومعالجتها بطرق ترضي الجميع

2 - اي شي بدك تغيره في شخصيتك وما عم تقدري ؟
احيانا بيزعجني كترة المسامحة الي فيني لكن ربنا امرنا بالمسامحة ما بحاول غيره
وبشكر الله انو انعم عليي بام واب ما في متلن بالدنيا اعطوني كل ما بيقدرو عليه وزيادة
اقبل ايديهم دائما واعتز بشخصيتي الي كونوها لي بكل طيبتها وحنيتها

3 - مين تتمنيه يكون جنبك وقت اللي بتكوني منزعجة وتعبانه ؟
بتمنى يكون ربنا دايما معي وجنبي
لاني ما بحب سبب اي الم للي بحبهم لهيك بشارك احزاني مع ربي

4 - عندك شي في بالك بدك تقوليه وما في مناسبة الو هلا بها السؤال
اذا كان فيه يمكن ان تحكيه ؟؟؟
بتمنى ما حدى يزعل من بساطتي ولا ينزعج مني ان بدر مني اي غلط غير مقصود

مشكورة اختي العزيزة