قاصدك بشغلة لا تخجلني

[جورجيت دايخ]

موضوع اليوم جملة

هالجملة الكثير مننا بسمعها

((قاصدك بشغلة لا تخجلني))

بتكون قاعد في امان الله لا الك ولا عليك وانسان يا دوب بتعرفو او بتعرفه من زمان

وتخيل لما يكون قاصدك في شي صعب .... مثلا

برقم تلفون بنت عاجبتو ... بفلم ... بصورة ... بسيجارة ... الخ
بس تخيل نفسك هلا اجاك شخص عزيز عليك وقصدك بوحدة من هالامثال
يا ترى شو بتقلوووووو
هاتو لنشوف

محبتي

[رياض]

لم اخجل اي شخص طلب مساعدتي قدر استطاعتي
شكرا جورجيت

[bnio]

,والله اذا طلب رقم بنت عاجبتو او طلب من هدول الطلبات المهمة

اخجلو واخجل يلي خلفوهو

واذا كان معي الجطل تبعي تقلع عينو

واذا كان معي المسدس تبخش بطنو

واذا كانت معي الدبابة تفجرو

بقى يلي حابب يقصدني بشغلة خلي يحضر حالو الجطل بجيبي ها

تحياتنا اخت جورجيت دايخ

[غادة عيدو]

أول شي اسمحيلي جورجيت أنو رد على بنيو .......ما عاد أصبر !!!!!!
واووووووووووو بنيو أيش بحرب شي أنت .........طول بالك ما بقى نطلب منك شي,كلو ولا الجطل , أكلتو صواب منو في عيني وأنا صغيرة ........بعدوووووووووو

يسلموا جورجيت على طرح الفكرة وخلينا من جطل بنيوههههههه
بصراحة العطاء شيء جميل جداً , والإحساس بالآخر شيء أجمل ,أنا من النوع الذي يبادر ويسأل إن كان أحداً بحاجة لشيء ما , فهذا الشيء يرويني ويملأني سعادة ويشبع لدي أحاسيس كثيرة .
محبتي
غادة

[nahren]

حلو كتير الموضوع
انا بيسعدني اقدم المساعدة لاي انسان محتاج لمساعدتي
وبفرح كتيررررررر لما حدا يقصدني لحتى ساعدو

وافرح اكتر لما اساعد حدا وبحس انو مابيقدر يطلب المساعدة
يعني عزة نفسه ماتخليه يطلب شي بس هو في قمة الحاجة للمساعدة

كتير من الاحيان الانسان مابيكون محتاج لمعونة مادية وانما لكلمات تشجيعية او لفضفضة قلب بتكون اعظم وقفة لما يتواجد انسان معه ويعينه ويشجعه على مواجهة تلك الفترة لتمر بنجاح .....
كتير تعجبني هيك وقفات لانها ترد الروح وترجع الامل لحياة هالانسان

شكرا جورجيت يسلموووووووووو هالايدين

[جورجيت دايخ]

شي حلو يا رياض
برافو هيك بعرفك دايما

محبتي

[جورجيت دايخ]

له له له
طول بالك علينا اخ بنيو
مو محرزة الشغلة لا جطل ولا دبابة
لالالالالا معناها خدو حزركم يا شباب ويا صبايا
لا حدا يقرب عليه
اي اذا تلفون بدك تعمل كل هاد كيف اذا الواحد طلب سيكارة ههههههههههه
شاكرة مرورك

محبتي

[جورجيت دايخ]

العزيزة غادة
ولا يهمك هيك جواب بدو هجوم على بنيو
وانا معك انو العطاء حلو بس الفكرة كانت اذا احدهم طلب منك شي بتقدري عليه بس مستغربة من طلبو هاد كيف بيكون موقفك
ميرسي على مرورك الذي اسعدني

محبتي

[جورجيت دايخ]

عزيزتي نهرين
الموضوع شوي سؤال ترفيهي
اكيد حلو الانسان يعطي حتى جزء من شي لا يذكر وبيكون فرح هالشخص
ميرسي للتعليق اللطيف

محبتي

[ramosh]

هههههههههههههه

شو بنيو عامل حرب مبين .... ما عاد بدنا نطلب منك شي خلص هههههههههه

والله اساعد على قد ما بقدر بشرط المشاعدة ما تكون يأذي شخص اخر

وبعدين ليش ما أعطي شب رقم بنت عاجبتو ..... شو عليا خليون يحبو


محبتي

[جورجيت دايخ]

حلوووووووو
حلوة منك رموش
والله اتاريكي شغلة انتي
بس برافو عليكي بحيي جرأتك

محبتي

[ashor]

+++
مساء الخير ..

بداية احب ان اهنئ قنشرين واعضاء قنشرين برجوع الاخت جورجيت دايخ لمنتداها ..

اهلاً بعودتك اختنا الفاضلة جورجيت بين اخوتك واخواتك ..

واحب ان اشكرك لطرحك هذا الموضوع الذي يتعرض له الكثيرين ونحن منهم ..

واحب هنا ان اطرح حالة مشابهة لهذه الحالة تعرضت لها
وسوف اكتب لكم القرار الذي اتخذته جراء ذلك بعد ان ارى ردود بعض الاخوة عليه

اعزائي

منذ فترة قصدني صديق عزيز علي ودار الحوار التالي بيني وبينه

قال : مرحباً كيفك قصدتك بخدمة ارجو ان لا تخجلني وتردني خاوياً من طلبي
قلت له : تفضل انشاء الله لن اردك خاويا ولن اخجلك وسأخدمك قدر المستطاع
قال : اشكرك اعلم ذلك .... انت تعلم انني رجل ميسور الحال
قلت : نعم اعلم
قال : بالحقيقة لدي مبلغ كبير ثابت بقيمة عشرة ملايين ليرة سورية في المصرف
قلت : نعم اعلم ذلك واعلم انك تملك اكثر من ذلك
قال : بما انني لا ارغب ان استجر منه مبلغ تافهاً احتاجه لألا اشوه قيمته الكاملة
لذا جئتك بطلب قرضة بسيطة منك بمبلغ عشرون الف ليرة سورية
وسوف اعيدها لك بعد اربعة اشهر من الآن مع الفائدة القانونية المستحة عليها

قلت له فوراً : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سأكتب لكم جوابي له بعد ان ارى رأيكم بالموضوع ...

مع تحياتي للجميع

........................

[nahren]

ههههههههههههههههههه يا اخي هيك موقف
خلي يزعل مني وما بساعدو لانو مو محتاج اسفة للكلمة
انو هالشخص طماع
يا اخي هيك موقف الواحد يعصب كمان
الله يسامحو
راح انتظر جوابك الو؟؟؟؟؟؟؟؟؟؟؟؟؟

[ramosh]

اي يعني معقول ينزع شكل كلمة 10000000 و تصير9980000

طيب و فوائد البنك تخلص .... حرام استاذي عطيه حرام رقيقك وبورطة

هههههههههههههههه

محبتي

[جورجيت دايخ]

اخ اشور اول شي بعد زمان اشتقنالك
كيفك انشالله بخير
تاني شي اشكرك جدا بالترحيب فيني عن جديد وانشالله يرجع نشاطي متل الاول واحسن هذا وعد
اما بالنسبة للموضوع المطروح من قبلك
انا برايي انو اذا معك زيادة عطي بس اذا كنت رح تتدايق مشان هوة يبقى المبلغ مجمد متل ما هوة وياخد فايدتو ويفرح للرقم لا بفضل انك تكون صريح معو وتقلو اذا اليوم ما انكسر المبلغ بكرا رح ينكسر
هاد رايي وبانتظار جوابك له

محبتي