حديث هاتفي بين الزوجين

[اثرو]

حديث هاتفي بين الزوجين

مرت الأيام والأمور تتعقد بين الزوجين , حتى إضطر الزوج إلى مُغادرة البيت والنوم عند الأهل (نتيجة الخلافات الكبيره التي حصلت)
هو يُصر أن تُصلح علاقاتها مع أهله وأن تزورهم
هي تتهم أهله بالتدخل بشؤؤنهم .....ولصالحه .
هو يتهمها بالتقصير بواجباتها الزوجيه
هي تتهمه بالغياب المتواصل عن البيت والسهر والعلاقات المشبوهه وإهمال العائله .
إلخ....إلخ....إلخ
كثُرت الخلافات بينهما مما إضطر بعض الأهل للتدخل ومُحاولة الإصلاح بينهما , وبالنتيجه وعد كلُ منهما أن يُصلح أخطائه ....ولكن وبعد عودة الزوج إلى البيت والهدوء النسبي بينهما أصبحت الزوجه تُلاحقه لتتأكد من وعوده .

فالنسمع إلى إحدى المكالمات الهاتفيه التي دارت بين الزوجين

الزوج بالشغل ووصل لينصرف ......فجأه برن التليفون بيرفع السماعه وإلا .....صوت مرتو
الزوجة : مرحبا عماد..
عماد بعد ما عرفا من صوتا.. بفتور: اهلا..
الزوجه: انت وجايي عالبيت يا ريت تجيب معك بقدونس وبندوره وبصل أخضر ... من عند السرياني يلي بنجيب من عندو كل مره_ البندوره نقيها وحده ...وحده ..حاكم بعرفك يمكن تجيب نصهن خربانين.
عماد: طيب
الزوجة:شومالك..
عماد: ولا شي ... قلناليك حاضر......لازميك شي تاني................
الزوجة: وجيبلنا معك شوية حلويات من عند ملكي لأن بيستوردهن من سوريا وطعمهن كتير ممتاز وبالسمن العربي
عماد: حاضر يا ستي
الزوجة: اوعى تروح وتجيب من محل تاني.. انا ما بحب الا حلويات ملكي
عماد: تكرمي ....غيرو
الزوجة: وتمر على ميترو (سوبر ماركت) تجيبلنا لحمة عجل حمرا تكون شقفه وحده لحتى نعمل عليها (دوبو) وشوية لحمه مفرومه ..
عماد: اوكي
الزوجة: شو يا ....كأنك مليت من كلامي وما ضل غير تسكر الخط بوشي..
عماد: ابدا.. تفضلي.
الزوجة: طالما رايح عالميترو ياريت تجيبلنا معك شي أربع كيلوات سمك
عماد: فهمت
الزوجة: شو هاد... فهمت...فهمت؟
عماد: ليش انتي لسه ما خلصتي؟
الزوجة: لا.. ...
عماد: ماشي شو كمان..
الزوجة: بس سمك قشري من النوع يلي ما فيه حسك كتير ..
عماد: ايوا أوامر تانيه..
الزوجة: شو يا !!!... حضرت جنابك بتنكت.. .
عماد: يا ستي والله ما عمنكت ...ضل شي تاني؟؟؟
الزوجة: شو قصتك يا سيد رابي كل ما حكيت معك بتجاوب أجوبة قصيرة كأنك ما بتحب تسمع صوتي.
عماد: لا أبدا.. بس انا في الشغل..
الزوجة: اللي بسمعك بقول الشغل مقطع بعضو
عماد: يا ستي.. انا مشغول.. والله مشغول.. شو قصتِك اليوم.. حلي عني.
الزوجة: ما بدي حل عنك..وما بدي ذكرك أول ما تسكر المحل عالبيت ....اوكي
عماد:ماشي متل ما بدِك..
الزوجة: بتمنى بالمره الجايه لما كلمك يكون أسلوبك ألطف من هيك
.. ولا تنس الأغراض يلي وصيتَك .
وتغلق الزوجة التلفون..

اثرو

[قمر]

بيييييييي هدتولا الزلمة مطاليب الااغراض
يا حرام ما قلو غير نعم امري حاضر بدك شي
شو بدها احسن من هيك رجال واله انا طيقت بدلو

راح نتابع القسم التالت بدي بدي مني معروف
في كل كتابة مووضع محادثة هاتفي تقول الجزاء الااول ولا التاني هلاا بظن
في الجزاء التالت راح يطلع ممكن تكب الجزء التالت لا المحادثة لا نعرف كل قسم في دورو
بدي اعرف نهايتها
بس بتعرف يعني وقت ما بصير مشاكل بين ست والرجال اكيد الشاطر بدو يقلو اهلك ولا اهللك شي طبيعي بيحط حق عل ناس اكيد ماقلهم دخل في الموضوع لا لا يبررو حالهم من الغلط بحطو غيرهم قي ال نصف القضية
شكرا ا

[اثرو]

أهلاً أخت قمر
شكراً جزلاً على ردودِك , وإنشالله سيكون هناك جزء ثالث
لكن هذه المره عن مُشاهداتي الأخيره في سوريا
تقبلي تحياتي
اثرو

[هيثم جولاق]

الله يكون بعونو اذا بالتلفون هيك شلون لكن لما يكون معها وجها لوجه