خبرنا شو عم تشوف برامج برمضان ...واستفتاء أحلى مسلسل

[غادة عيدو]

صباحكم ومساكم فل وياسمين
خلونا ندردش شوي ونحكي لبعض شو عم نشوف برامج برمضان
شو المسلسلات اللي عم تحضرها
شو المسلسل اللي بترشحوا في الدرجة الأولى
مين الفنان اللي بترشحوا لرمضان 2010

على فكرة عنا الدش هو اشتراك , يعني بصراحة لازم نشترك بشهر رمضان ونلغي الاشتراك بقية السنة , لأنو منعجز برمضان من كترة المسلسلات ومنضيع , ومنعجز باقي السنة من قلة البرامج , يعني احترنا يا قرعة منين نمشطك ههههههههههههههههههه

عم بستنى مشاركاتكم
محبتي
غادة

[Nina sh]

سلام غادة أنا عم احتار شو اتفرج عم انط من قناة إلى قناة
على كل حال عم أشوف باب الحارة و ما ملكت ايمانكم ويا صديقي وبعد السقوط
أحلى ممثله سلاف معمار وأحلى مسلسلين ما ملكت ايمانكم ويا صديقي

محبتي
Nina sh

[ROBER]

المسلسل المفضل عندي ابو جانتي ومسلسل الدبور وفي المسلسل المصري العار
وبرشح المسلسل الدرجة الاولى ابو جانتي
وافضل ممثل سامر المصري

[gress]

اول شي مرحبا اخت غادة
انا عم بحضر ابو جانتي لانو فكاهي
ومن وراء الشمس لانو واقعي جدا
وباب الحارة لانو اهلي عم يحضروه ههههههههههههه
حبيت كتير ابو جانتي وافضل ممثلين هنن سامر المصري بهالمسلسل
وبمسلسل من وراء الشمس بسام كوسا لانو اخد دور بدو شطارة جد
محبتي

[غادة عيدو]

ياهلا بالجميع وأوقات ممتعة مع برامج رمضان
بس دخلكون ما قلتولي منو هاد أبو جانتي وعلى أي قناة بيطلع
محبتي
غادة

[قمر]

على فكرة عنا الدش هو اشتراك , يعني بصراحة لازم نشترك بشهر رمضان ونلغي الاشتراك بقية السنة , لأنو منعجز برمضان من كترة المسلسلات ومنضيع , ومنعجز باقي السنة من قلة البرامج , يعني احترنا يا قرعة منين نمشطك ههههههههههههههههههه

اش بدنا نشوف لا حتى نشوف انجا نضل ١٠ ساعات عل بركة واحدة انا بس عما اشوف لا مالست ايماناكم لا سلافي معمار و اسعد الوراق عل
وقتي هدول بس بقدر اتبعهم باب الحارة بلا عباس النوري ما حلوة

[a3az elnas]

شو نخبرك غدوش؟
خيتو انا عجبني مسلسل زهرة وازواجها ال 5

[رولا]

والله يا غادة في مسلسلات كثير والواحد ماعم يعرف شو بده يلحق يتفرج ..وأنا عم اتفرج على ما ملكت ايمانكم ..مسلسل كثير حلو وعم يعالج كثير مواضيع متنوعة وجريئة..
وعم أتفرج على وراء الشمس وقيود الروح وباب الحارة ..هدول بس يللي عم الحق شوفهم ههههههههههه
وأنا برشح أفضل ممثل : بسام كوسا بدوره بمسلسل وراء الشمس
وأفضل ممثلة ديمة قندلفت بدورها بما ملكت ايمانكم
تحياتي للحميع

[غادة عيدو]

رح يخلص رمضان وما حدا قالي مين هاد أبو جانتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أنا عم شوف : أهل الراية - باب الحارة - زهرة وأزواجها الخمسة -
شفت شوي من مسلسل ما ملكت أيمانكم

بالنسبة لما ملكت أيمانكم بصراحة برأيي شوّه المجتمع السوري حيث نجد كل الفتيات منحرفات , هوي لازم نعترف أنو في هيك شخصيات بالمجتمع بس مو معقول ما في ولاشخصية إيجابية !!!!!!!!!!!!!.
يعني يللي ما بيعرف المجتمع السوري عن قرب رح يفكر أنو كل المجتمع هيك .