بيل غيتس في بلاد العجائب
بيل غيتس في بلاد العجائب
بعد ما نزل الويندوز سيفن الى اسواق سوريا قبل اي بلد بالعالم , و قبل أن تصرح مايكروسوفت انو سيفن اصبح جاهز لينزل عالسوق انصعق بيل و "عمل" مؤتمر صحفي قال ان ليس مسئولا عن النسخ التي طرحت في السوق السوري كونها نسخ "مهكرة" وليست كاملة ...
واصبح لديه فضول ليعرف عن سوريا اكثر و كيف تباع نسخ من ويندوز و أوفس بكل وقاحة تحت أسم مايكرو سوفت , وهي نسخ منسوخة و مهكرة.
ركب طائرتها الخاصة .. و وصل الى سوريا..
سئل ( و يلي بسأل ما بيضيع ) ... حتى وصل الى "البحصة" ... وشاهد بائع عم ينادي عالديفيدي "4 ب 100 الديفدي.. يا ارض أشتدي و ما حد أدي ...تصافي...اوكازيون..... الرخصة فرصة ".
و العالم محتشدة تتزاحم مثل مواطنين مقديشو عندما يزورهم الصليب الاحمر .
اخرج " البلاك بيري " و حسب سعر العملة السورية مقابل الدولار ..(صفن نص صفة) ...فكانت النتيجة انه النسخة التي تباع في أمريكا ب 500 دولار بالبحصة ب 50 سنت .
تقدم الى البائع وامسك نسخة أوفس و لعبة و نسخة ويندوز و سيدي تعليم هاكر مع برامج عطى البياع دولارين , فيقول له البائع "و الله حبيتك اذا بدك نزل افاتار اورجينال خود واحد عالبيعة .."
بيل غيتس: أفتار!! اورجينال !!! ...عالبيعة!!!!!!!!!!
البياع : لك ايه من شي ساعة وصلني .
بيل غيتس : يا أخي شلون يعني وصلك من ساعة .... لا تخوتني فوق مالي مخوت .
البياع : يا اخي جربو و اذا ما كانت الصورة واضحة و على كيفك بدلو .
بيل غيتس: طيب هدول البرامج منسوخين مالهم نسخ أصلية شلون بدي شغلهم .
البياع لك شو ماعندي غيرك , بابا ( يخاطب ابنه الصغير ) ايم هالموبايل من ايديك و تعى ورجي الشب شلون بشغلهم .
اخذ بيل النسخ ومضى
يعترضه رجل اجنبي : بيل .... بيل غيتس ؟؟؟!!!
بيل غيتس : ايه نعم هادا انا , شو شايفك حامل و مكتر.
الاجنبي : اي و الله انا بعد ما دريت باليحصة صرت بدال ما حط مصرياتي حق برامج , باخد تيكيت طيارة و اوتيل و بشتري غراضي من هون, بتوقف علي أرخص .
بيل غيتس : طيب ما عم تعمل معك مشاكل هالبرامج؟؟؟
الاجنبي : لا و الله متل اليرة , في شركة حلبية عم تعدل بأعدادات النسخ , بتصير بتشتغل أحسن من تبعكم بلا مؤاخذة .
بيل : خير انشاء الله .
عاد بيل الى وطنه وهو الرجل الذي اخترع اهم انظمة التشغيل في العالم ، يفكر عاجز عن حل معضلة البحصة ؟
Re: بيل غيتس في بلاد العجائب
h.hazim كتب:عاد بيل الى وطنه وهو الرجل الذي اخترع اهم انظمة التشغيل في العالم ، يفكر عاجز عن حل معضلة البحصة ؟
ههههههههههههه
اي ما يحاول لانو ما رح يلاقي حل .... وحتى لو لاقى حل
نحنا السوريين ما بيصعب علينا شي
لكل داء دواء
محبتي
R A M O S H
يـارب إن أعطــيتني نجاحـاً فــلا تــأخذ تواضـعي
وإذا أعطيتني تواضعاً فلا تأخذ اعتزازي بكرامتي
وإذا أسـأت إلى النـاس فامنحني شجاعة الاعتذار
وإذا أســاء النــاس إلي فامنــحني شجاعة العـفو
يـارب إن أعطــيتني نجاحـاً فــلا تــأخذ تواضـعي
وإذا أعطيتني تواضعاً فلا تأخذ اعتزازي بكرامتي
وإذا أسـأت إلى النـاس فامنحني شجاعة الاعتذار
وإذا أســاء النــاس إلي فامنــحني شجاعة العـفو
Re: بيل غيتس في بلاد العجائب
بس دخيل الله يا هزيم تسرعوا شوي هالانترنت , لأني بنحرم منو طول قعدتي بحلب لما بنزل لسوريا .
صارت ونزلت يا عمو بيل لهونيك , ما عرفت تعملك شغلة منيحة !!!!!!!!!!!!!!
صارت ونزلت يا عمو بيل لهونيك , ما عرفت تعملك شغلة منيحة !!!!!!!!!!!!!!
Re: بيل غيتس في بلاد العجائب
شفتي شلون انت قلتي قعدتي بحلب معناتا محلولة قعدي بحمص بصير اسرع هههههههههههههههههغادة عيدو كتب:لأني بنحرم منو طول قعدتي بحلب لما بنزل لسوريا .
هلا غادة منورة
